Narekober ang masobra 100,000 pesos nga balor sang ginasuspetsuhan shabu sa buy-bust operation sang San Carlos City PNP sa Ylagan St. Barangay 6, syudad sang San Carlos pasado las 5 sang hapon, Setyembre 20.
Ang nadakpan ang ginkilala kay Junemark Lombrino, 31 anyos, soltero kag residente man sang Barangay 6, syudad sang San Carlos.
Suno kay Police Lt. Roby Aureta, Deputy Chief of Police sang San Carlos City PNP, duha na ka semana nga gintutukan sang kapulisan si Lombrino matapos makabaton sang reklamo gikan sa mga pumuluyo sa ila nga lugar. Si Lombrino ang ginakabig man nga street level individual.
Nakumpiskar sa buy-bust operation ang 53 ka sachet sang ginasuspetsuhan shabu nga ginabulubanta nagabug-at sang 14.8 gramos kag nagabili sang 100,640 pesos; drug paraphernalia kag 600 pesos nga buy bust money.
Priso karun si Lombrino sa custodial facility sang San Carlos City PNP. | Aksyon John Diaz