Napabilin ang 110 ka personnel sang Bacolod City Police Office bilang contact tracing team sang syudad sang Bacolod.
Suno kay Major Sherlock Gabana, tagpamuno sang PNP Contact tracing nakatapos na sang serbisyo ang DILG contact tracers sadtong Disyembre 31, 2020 rason nga wala sila sa gihapon na recall sang headquarters bangud kinahanglan pa ang ila serbisyo.
Suno kay Gabana, per cluster sa gihapon ang pag-utilize sa diin, ginapangunahan sang doktor gikan City Health Office ang isa ka cluster.
Dugang pa ni Gabana, sa karon nga mas nagtawhay na bangud madamo na sang barangay sa Bacolod ang COVID-19 free, ang mga personnel nga wala sang may gina contact trace nagabantay sa mga establisyamento nga masami ginakadtuan sang publiko kag naga usisa kon my yara sang mga bactrac system ang nasambit nga mga lugar.
Ginpahayag man ni Gabana, ginapaidalom sa surveillance testing ang mga contact tracers agud masiguro nga indi sila carrier sang virus. | Aksyon Eden Aboso
