MENU

115K NGA DROGA NAKUMPISKAR SA SYUDAD SANG SILAY

  • at 11:22 pm
Share on facebook
Share on pinterest
Share on twitter
Share on print

Narekober ang masobra 100,000 pesos nga balor sang ginasuspetsuhan shabu sa buy-bust operation sang Silay City PNP sa Gomez Extention Street, Brgy 4, syudad sang Silay pasado las 12 sang Sabado sang hapon, Disyembre 3.

Ang nadakpan ginkilala kay June Pepito, 35 anyos, isa ka mekaniko kag residente sang Kalye Onse, Bonifacio, Brgy 2, sa amo man nga syudad. Si Pepito ang ginakabig nga street level individual kag nalista man sa drugs watchlist sang Silay PNP.

Narekober kay Pepito ang duha ka dalagko, tatlo ka medium-sized kag siyam ka magagmay nga sachet sang ginasuspetsuhan shabu nga ginabulubanta nagabug-at sang 17 gramos kag nagabili sang 115, 600 pesos.

Nakumpiskar man sa buy bust operation ang mga drug paraphernalia.

Si Pepito ang ginpasakaan na sang kaso kaina sang hapon (Disyembre 5) kag karun nagapabilin priso sa custodial facility sang Silay City Police Station. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

PAGDEKLARAR SANG STATE OF CALAMITY SA NEG OCC, GINPANGABAY SANG UNIFED

April 19, 2024

Gin-apelar ni United Sugar Producers Federation (Unifed) President Manuel Lamata, kay Governor Bong Lacson , Vice Governor Jeffrey Ferrer kag mga Provincial Board Members nga magdeklarar sang state of calamity sa Negros Occidental.

Suno kay Lamata, isa ini sa mga pamaagi para makabakal sang kaugalingon nga eroplano ang gobyerno probinsiyal agud usaron sa cloud seeding operations.

Dugang ni Lamata, nga nagakinahanglan na subong sang tubig ang mga katubuhuan nga apektado sang El Niño phenomenon.

Una diri ginpangabay ni Fifth District Cong. Dino Yulo ang Bureau of Soil and Water Management (BSWM) nga i-reassess ang ila desisyon nga nagapamatuk sa cloud seeding bangud sa kakulang sang seedable clouds kag posible kahalitan sa mga kapahuan sa San Carlos kag Guimaras.

What’s your Reaction?
+1
0
+1
0
+1
0
+1
0
+1
0
+1
0
+1
0

GROUNDBREAKING CEREMONY SANG NAYON PANUBLI-ON HOUSING PROJECT SA ISABELA, GINPATIGAYON

April 19, 2024

Ginpatigayon ang groundbreaking ceremony sa Nayon Panubli-on Housing Project sa Brgy. 9 banwa sang Isabela, Negros Occidental Byernes sang aga Abril 19, 2024.

Ang seremonya ginpamunuan ni Municipal Mayor Irene Montilla, kag iban pa nga mga opisyal sang gobyerno.

Suno sa alkalde, ini nga proyekto ang makabenepisyo sa mga residente sang banwa nga miyembro sang Home Development Mutual Fund (HDMF) ukon Pag-IBIG.

Suno kay Montilla, indi lamang puluy-an ang patukuron sa lugar, kundi pahamtangan man sang merkado, bagsakan center, food storage, basketball court kag transportation terminal.

Ginklaro sang alkalde nga wala sang gastuhon ang banwa, kundi ang developer nga Homeworld Construction nga amo ang magapatukod sang proyekto sa masobra 6 ka hektarya nga propeidad nga gindonar sang munisipalidad. Magluwas sa mga balay, patukuron man ang Central Philippine State University, Isabela National High School, PNP-Special Action Force, Technical Education and Skills Development Authority, kag evacuation center.

Target nga maumpisahan ang development sa lugar sa bulan sang Mayo ukon Hunyo subong nga tuig.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.