130 APPLICANTS NGA NAGPAREHISTRO SA COMELEC BACOLOD, WALA GIN APRUBAHAN

Share on facebook
Share on pinterest
Share on twitter
Share on print

Nagdangat sa 130 ka mga aplikante nga nagparehistro sa Comelec Bacolod ang wala gin aprubahan sang Election Registration Board (ERB).

Suno kay Comelec Election Officer Atty. Kathrina Trinio-Caña, sa 130, 15 dire ang nagusar sang peke nga IDs, may 15 man nga nagsobra na sa katatlo ang nagserbe  sa ila bilang guarantor, samtang 87 ang wala man gin aprubahan matapos ang ocular inspection.

Sa record sang ERB, sa 16 ka mga opposed applicants, 13 dire ang disapproved kag tatlo ang approved.

Dugang pa ni Trinio-Caña, padayon karon ang pag cleanse sang listahan sang mga botante kaangay sang pag delete sang mga botante nga nagsaylo sa iban nga lugar. 

Lunes nga adlaw, Marso 13, nagbalik na ang Comelec Bacolod sa pag isyu sang voter’s certification kasunod sang pagtakop sang ERB hearing.

What’s your Reaction?
+1
0
+1
0
+1
0
+1
0
+1
0
+1
0
+1
0

CHO: WALA SANG CLUSTERING SANG PERTUSSIS SA BACOLOD

Wala gina rekomendar sang Bacolod City Health Office ang pag deklarar sang outbreak sang pertussis.

Ini matapos nagsaka sa anum ka mga kaso sang pertussis ang na record sa syudad.

Sa press conference, Lunes, ginpahayag ni City Health Officer Dr. Ma. Carmela Gensoli, wala sang clustering sang pertussis sa syudad sang Bacolod.

Nagpasiguro si Gensoli nga preparado ang mga hospital sa Bacolod sa sini nga mga kaso.

Padayon nga ginapanawagan sang Bacolod CHO nga kompletuhon ang bakuna sang mga bata bilang proteksyon sa mga masakit.

Ginpahayag ni Dr. Jevi Marie Ortoño, Medical Officer III kag National Immunization Program Medical Coordinator, sang 2023, yara lamang sa 60% sang 11 mil nga target population sang mga bata nga manug edad isa ka tuig ang nabakunahan.

Suno kay Ortoño, subong nga 2024, yara sa 10 mil ang target population sang mga bata ang target nga makompleto ang bakuna sa pag edad sang isa ka tuig.

Ginpaathag ni Ortoño, lakip sa mga rason nga nagapamalibad ang ginikanan sa bakuna amo nga nagamasakit ang ila bata, wala ang ginikanan sa balay para maghatag permiso sa pagbakuna, ang kabalaka sa side effects kag may yara sang wala nagapati sa bakuna.

Suno kay Ortoño, padayon nila nga gina edukar ang publiko nga mas mataas ang benepisyo sang mahatag sang bakuna sa mga kabataan.

Para kay Dr. Gensoli, preventable kag curable ang pertussis.

What’s your Reaction?
+1
0
+1
0
+1
0
+1
0
+1
0
+1
0
+1
0

LAPSAG SA NEG OCC GINBAWIAN KABUHI BANGUD SA PERTUSSIS

Nakarekord ang Negros Occidental sang isa ka patay bangud sa pertussis disease.

Suno kay Provincial Health Officer Dr. Ma. Girlie Pinongan, napatay ang bata nga pasyente samtang naka-admit sa Doña Corazon Locsin Montelibano Memorial Regional Hospital nagligad nga semana, antis mag-gwa ang resulta sa specimen laboratory examination.

Dugang ni Pinongan, may kabug-usan na nga lima ka mga kaso ang probinsiya, lakip na ang pasyente nga napatay, lima ka mga specimen nga nag-negatibo kag 26 nga probable cases.

Ginklaro ni Pinongan nga kontrolado sa gihapon ang kaso, kag nagalaum nga indi na magdamo pa samtang ginahulat ang pag-abot sang Pentavalent vaccines.

Ginpanugyan ni Pinongan sa mga ginikanan nga indi na pagdal-on sa mga matawo nga lugar ang kabataan, agud indi madapuan sang amo nga masakit.

Pinakatigulang nga pasyente sang pertussis disease sa Negros Occidental, ang naga-edad sang 62 anyos.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.