MENU

146 KA NEGOSYO SA BACOLOD GINREKOMENDAR NGA PASIRAD-AN

  • at 5:31 pm
Share on facebook
Share on pinterest
Share on twitter
Share on print

Nagdangat sa 146 tanan ka mga negosyo sa syudad sang Bacolod ang ginrekomendar sang Bacolod Permits and Licensing Office (BPLO) sa City Legal Office nga ipasira bangud naga operate nga wala sang business permit.

Suno kay Stela Rose Rayos, head sang BPLO, sa 146, siyam na ka closure order ang napatuman sang CLO sa Arceo Drive, Barangay Mansilingan tinalikdan nga semana.

Kalabanan sang mga negosyo nga wala sang permit ang mga kalan-an, coffee shop kag iban pa.

Ginkumpirmar ni Rayos, nga sa siyam nga ginpasirad-an, may duha ka mga negosyante ang nagkadto sa ila opisina para mag follow-up sang ila nga permit.

Sa record ni Rayos, subong nga 2023, masobra 25 mil ang business registration sa Bacolod, pero yara lamang sa 18 mil ang nakakuha sang business permit.

Ginpaathag ni Rayos, ang 7 mil nga wala na isyuhan sang permit, amo ang mga negosyo nga padayon pa nga naga comply sang ila clearances.

What’s your Reaction?
+1
0
+1
0
+1
0
+1
0
+1
0
+1
0
+1
0

MASOBRA 700K NGA MOTOR OIL KAG BATTERY SA MOTORPOOL SANG KAPITOLYO, GINKAWAT

December 6, 2023

Ginatutukan sang Provincial Legal Office (PLO) ang angulo nga ‘inside job’ kag kapabayaan sang mga naka-duty nga gwardiya, sa natabo nga pagpangawat sang masobra tunga sa milyon ka pesos nga balor sang motor oil kag battery sa motorpool sang Provincial Engineering Office (PEO) sa dalan Gatuslao syudad sang Bacolod.

Suno kay Provincial Legal Officer Atty. Alberto Nellas Jr., ila pagahulaton ang resulta sa imbestigasyon sang mga kapulisan, antis desisyonan kun papanaugan sang penalidad ang mga empleyado ukon gwardiya nga nakadestino sa lugar.

Sa record sang PLO, P282,753.00 nga balor sang motor oil kag P472,553.00 nga battery ang nadula.

Nag-agi ang mga kawatan paagi sa pagbuho sa pader sang motorpool nga tupad sang mga panimalay sa Brgy. 6 syudad sang Bacolod.

Sa karon may ginatutukan na ang PLO nga persons of interest.

What’s your Reaction?
+1
0
+1
0
+1
0
+1
0
+1
0
+1
0
+1
0

DSB PNP MAY PANUGYAN SA MGA DRIVER MATAPOS ANG TRAHEDYA SA ANTIQUE

December 6, 2023

Nagpahanumdum sa publiko ang Don Salvador Benedicto PNP nga dapat yara sa maayo nga kondisyon ang ila nga mga salakyan kun magbyahe sa mga talakladon nga lugar.

Suno kay Police Major Rey Tolosa, hepe sang DSB PNP, kalabanan sa mga salakyan nga nagalabay sa banwa mga dalagko nga salakyan kag long distance ang byahe.

Aminado si Tolosa nga may nagaluntad nga aksidente nakaligad nga binulan ilabi na sa mga likuan kag talakladon nga dalan bangud indi sunado sang iban nga drivers ang dalanon.

Panugyan ni Tolosa, dapat kondisyon man ang driver agud makatutok sa pagmaneho kag maghinay gid sa pagpadalagan ilabi na kun bag-o lang nakalabay sa lugar.

Ang DSB PNP kag Land Transportation Office (LTO) ang masami nga nagapatigayon sang information dessimination campaign kag operations agud mabuligan ang mga motorista nga malikaw sa aksidente.

Nahibaloan, 17 ang patay, pito ang kritikal kag apat ka mga persona na ang yara sa istable nga kondisyon bangud sang natabo nga aksidente sa Hamtic, Antique.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.