15 KA STALLS SA MANOKAN COUNTRY NGA WALA MAKABAYAD SANG UTANG SA SYUDAD, GINPASIRA

Share on facebook
Share on pinterest
Share on twitter
Share on print

Gin klaro ni Rey Demisana Team Leader sang City Legal Office Enforcement Unit nga 15 tanan ka mga stall sa Manokan Country sa Reclamation Area ang ila gin serbihan sang closure order subong nga adlaw Lunes Oktubre 3, 2022.

Suno kay Demisana, ini nga implementasyon gin base sa bayolasyon nga na komitir sang mga stall owners sa idalum sang Section 25, Article 20 sang City Ordinance number 565 ukon Bacolod City Revenue Code Series of 2011.

Dugang pa ni Demisana, napilitan ang CLO nga ipatuman ang amo nga mando bangod sa kapaslawan sang mga ini nga i-settle ang ila obligasyon nga balayran sa pihak sang Setyembre 30 nga deadline nga gin hatag sang syudad.

Dugang pa ni Demisana, wala man gin aktuhan sang mga stall owners ang pagdihon sang compromise agreement paagi sa talatapan sang City Treasurer’s Office.

Base sa record sang CLO, 18 tanan ka mga stall owners ang una nga gin padal-an sang notice of violation apang tatlo lamang diri ang naka areglo sang ila mga balayran.

Samtang, Wala gina paabot ni Bacolod City Councilor Celia Flor, Chairman sang Committee on Market angut sa kapaslawan sang 15 ka mga stall occupants sa Manokan Country nga magdihon sang compromise agreement sa syudad paagi City Treasurer’s Office kasunod sang ila gin patigayon nga pagsinapol tinalikdan nga semana.

Suno kay Flor, kaina lamang sang aga sini na diskobrehan nga wala gin asikaso sang mga tenant ang ila gin kasugtan nga proseso sa diin Setyembre 30 ang gin set nga deadline.

Dugang pa ni Flor, mahimo lamang nga maka balik ang operasyon sini nga mga tenants sa tion nga ila masunod ang gina require sang syudad nga pag dihon sang compromise agreement.

Gin panugyan man sang konsehal sa mga katapo sang City Legal Office Enforcement Unit nga dapat may yara sang kortisiya sa pagpatuman sang amo nga closure order. | Aksyon Art Tayhopon

What’s your Reaction?
+1
0
+1
0
+1
0
+1
0
+1
0
+1
0
+1
0

HVI NAKUHAAN SANG 340K NGA DROGA SA SAN CARLOS CITY

Naglab-ot sa 340,000 nga balor sang ginasuspetsuhan shabu ang narekober sa buybust operation sa San Juan Tunga Brgy. 5, San Carlos City, Neg. Occ. las 2:54 sang kaagahon, Disyembre 6.

Ang suspek ginkilala kay Joseph Pasigay 45 anyos kag ginakabig nga High Value Individual (HVI), Top 5 sa watch list sang kapulisan kag miembro sang Virtucio Drug Gang kag Bacus and Macadatu Sub group.

Nakuha kay Pasigay ang 41 ka heat sealed transparent plastic sachet sang suspected shabu, isa ka coin purse, duha ka empty plastic sachet nga may traces sang shabu, isa ka disposable lighter kag buybust money nga nagabalor P1,100.

Ginabulubanta 50 gramo sang shabu ang na-rekober nga may estimated value nga P340,000.

Si Pasigay ang preso karun sa custodial facility sang San Carlos City Police Station.

What’s your Reaction?
+1
0
+1
0
+1
0
+1
0
+1
0
+1
0
+1
0

GRUPO GINAKWESTYON ANG GINADUSO NGA MAHARLIKA INVESTMENT FUND

Ginpahayag ni Bacolod City Public School Teacher’s Federation President Richard Gelangre nga indi acceptable ang ginaduso sa karun sang Marcos administration nga Maharlika Investment Fund (MIF).

Sa interview sa Aksyon Hotline, ginpahayag ni Gelangre nga, indi ini mabatunan sang publiko bangud ang pondo para sa MIF ang pagakuhaon sa mga social fund kaangay na lamang sang SSS kag GSIS.

Suno kay Gelangre, maayo man ini nga programa kun indi magahalin sa social fund ang pagakinahanglanon nga pondo para sa MIF.

Gin-kwestyon pa ni Gelangre nga kun ano matabo inkaso maputo ang amu nga programa.

Nahibaloan, ginaduso sang Marcos administration ang paghimo sang MIF.

Ang Maharlika Investment Fund ang isa ka independent fund nga tuyo ma-generate ang revenue sang gobyerno paagi sa investments sa real kag financial assets. | Aksyon Dorel Cabatu

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.