15 PATAY SANG NAHULOG ANG TRUCK SA BANGLID SA MABINAY, NEGROS ORIENTAL

Share on facebook
Share on pinterest
Share on twitter
Share on print

Nagdangat sa 15 ang napatay sa aksidente nga nagluntad sa Sitio Tubod, Barangay Bulwang banwa sang Mabinay probinsya sang Negros Oriental pasado la 1 sang hapon, Hwebes (Pebrero 21).

Duha naman ka mga persona ang pilason kag padayon pa nga ginabulong sa ospital.

Suno kay Police Major Nelson Lamoco, hepe sang Mabinay PNP, halin La Libertad ang canter nga ginamaneho ni Antonio Toreno, legal ang edad.

Padulong ang canter sa Barangay Dauin, syudad sang Bayawan agud kun tani magpangompra sang baboy.

Pagpahayag ni Lamoco, gin-aligar ni Toreno nga nadulaan sang prino ang canter kag sa likuan nga bahin sang dalan nadulaan ini sang kontrol kag nahulog sa pil-as.

Paglaragway ni Lamoco naglabog ang iban nga pasahero samtang ang iban naman ang nasangit sa mga puno sang kahoy.

Wasak naman ang canter nga ginapanag-iyahan sang isa sa mga napatay nga si Rolindo Desipolo, 63 anyos.

Ang iban nga napatay amo sanday: Ireneo Magos, Fe Decipolo, Jemboy Egoogan, Rolindo Decipolo, Marlon Solidad, Rex Decipolo, Rene Magos y Acabo, Allan Flores, Allen Pocong, Remond Llenes, Roy Magos, Leo Soreno, Jacob Labrador kag Almar Egoogan. Samtang, pilason naman sanday Toreno kag Jovannie Torres.

Suno sa kapulisan, isa ka accident prone area ang kurbadahan nga bahin sang dalan sa Sitio Tubod, Barangay Bulwang.

Suno sa Hepe, madamo na sang aksidente nga nagaluntad sa amo nga lugar kalakip na ang mga dalagko salakyan, motorsiklo mah traysikol.

May early warning signs man nga nakabutang antis ang kurbahan nga bahin sang dalan nga suno kay Lamoco hapos nga makita sang mga motorista.

Sa pagsaysay ni Lamoco, ini na ang aksidente sa amo nga dalan nga may pinakadamo nga napatay sa banwa sang Mabinay.

Nagapanugyan si Lamoco sa publiko nga siguruhon ang maayo nga kondisyon ang salakyan antis ang pagbyahe kag maghinay-hinay sa likuan nga bahin sang dalanon.

What’s your Reaction?
+1
1
+1
0
+1
0
+1
0
+1
0
+1
0
+1
0

LAPSAG SA NEG OCC GINBAWIAN KABUHI BANGUD SA PERTUSSIS

Nakarekord ang Negros Occidental sang isa ka patay bangud sa pertussis disease.

Suno kay Provincial Health Officer Dr. Ma. Girlie Pinongan, napatay ang bata nga pasyente samtang naka-admit sa Doña Corazon Locsin Montelibano Memorial Regional Hospital nagligad nga semana, antis mag-gwa ang resulta sa specimen laboratory examination.

Dugang ni Pinongan, may kabug-usan na nga lima ka mga kaso ang probinsiya, lakip na ang pasyente nga napatay, lima ka mga specimen nga nag-negatibo kag 26 nga probable cases.

Ginklaro ni Pinongan nga kontrolado sa gihapon ang kaso, kag nagalaum nga indi na magdamo pa samtang ginahulat ang pag-abot sang Pentavalent vaccines.

Ginpanugyan ni Pinongan sa mga ginikanan nga indi na pagdal-on sa mga matawo nga lugar ang kabataan, agud indi madapuan sang amo nga masakit.

Pinakatigulang nga pasyente sang pertussis disease sa Negros Occidental, ang naga-edad sang 62 anyos.

What’s your Reaction?
+1
0
+1
0
+1
0
+1
0
+1
0
+1
0
+1
0

TERMINATION SANG JVA CONTRACT SANG BACIWA-PRIMEWATER, GINAKONSIDERAR NI MAYOR ALBEE

Ginakonsiderar ni Mayor Albee Benitez nga i-terminate ang kontrata sang joint venture agreement sa tunga sang Primewater kag BACIWA ukon re-negotiation.

Sa press conference, Lunes, ginpahayag ni Benitez nga nagpangayo ini sa BACIWA sang listahan sang mga bayolasyon sang Primewater sa ginsudlan nga kontrata.

Isa sa ginbasehan ni Benitez nga bayolasyon amo ang section 5.1.2 sang kontrata, nga sa sulod sang lima ka tuig halin 2020, dapat masiguro ang 24 oras nga tubod sang tubig sa katapusan sang ikaduha nga tuig, nga tubtob karon wala na comply.

Ginapasabat ni Benitez ang BACIWA kon ano ang ila nga nahimo sa mga bayolasyon sa kontrata kag kon may penalidad nga ginpapanaug batuk sa Primewater.

Nagapangayo man si Benitez sa BACIWA sang water security plan nga indi lamang sabat sa epekto sang El Niño kundi diin tubtob ang water supply sang syudad.

Suno sa Alkalde, naga claim ang BACIWA nga 90 million liters a day (MLD) lamang ang kinahanglan sang Bacolod pero 125 MLD ang ginarekomendar sang mga eksperto para sa syudad matapos ang ginpatigayon nga verification.

Ginaduso ni Benitez nga may yara sang buffer plan sang tubig ang syudad kag nagsuhestyon nga ang mga deep wells sang Primewater ang dapat reserba sa tion sang emerhensya kag indi ini pag himuon nga primary source of water.

Liwat nga ginpakamalaot ni Benitez ang mga bag-o nga post sa social media nga nagapakita sa malubog nga tubig kag ang suhestyon nga ilisan na ang madaan nga mga tubo.

Bangud sini, nagapahayag si Benitez nga wala sang concrete investment ang Primewater para mapaayo ang ila serbisyo matapos ang apat ka tuig.


Ginklaro ni Benitez nga ‘done deal’ na ang JVA sang Primewater-Baciwa antes ini nagpungko bilang alkalde sang Bacolod.

ALBEE: WALA PA SANG MAY NAPIRMAHAN NGA KONTRATA MATAPOS ANG WATER SUMMIT

Tubtob karon wala sang kontrata nga nakita si Mayor Albee nga ginsudlan ang Baciwa-Primewater kaupod ang water supplier matapos ang water summit nagligad nga Enero 2024.

Ginpahayag ni Benitez, may mga water supplier nga nagahimo karon sang inisyatibo nga mag install sang mga water pipes bisan wala pa sang ginkasugtan nga kontrata.

Suno kay Benitez, may mga verbal agreement pero wala sang may nakita nga signed contract nga gin promisa sa iya nagligad nga water summit.

Una na nga ginkasugtan sa water summit nga ma deliver sang Baciwa-Primewater ang 20MLD nga shortage sang tubig sa sulod sang anum ka bulan.

Ang injection point 2 sang Bacolod Bulk Water Incorporated sa Murcia ang target makadeliver sang 15 million liters a day samtang magahalin naman sa spring water sa Barangay Alangilan ang dugang nga 5 million liters per day.

May proposal man nga magtukod sang water supply kag filtration facility kag maka deliver sang dugang nga 20MLD halin sa Matab-ang river.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.