MENU

170K NGA BALOR SANG DROGA NAREKOBER SA BUY BUST OPERATION SA BACOLOD

  • at 6:35 pm
Share on facebook
Share on pinterest
Share on twitter
Share on print

Narekober sang Bacolod City Police Office(BCPO)-City Drugs Enforcement Unit (CDEU) ang kapin 170,000 pesos nga balor sang ginasuspetsuhan shabu sa buy bust operation sa Purok Langis, Barangay Banago syudad sang Bacolod subong nga hapon sang Mayo 30, Sabado.

Duha ang nadakpan samtang nakapalagyo naman ang isa pa ka persona.

Ang mga nadakpan ginkilala kay Eugene Sotto, 32 anyos kag Reynaldo Ponteras Jr., 37 ang edad kag lunsay residente sang amo nga lugar.

Nakapalagyo naman ang isa pa ka suspect nga amo ang ginatudlo tag-iya sang puluy-an kun sa diin ginkasa ang buy bust operation.

Narekober sa buy bust operation ang apat ka dalagko kag napulo ka palaba nga sachet sang ginasuspetsuhan shabu nga may kabug-aton sang 21 gramos, isa ka improvised tooter kag 1,500 pesos nga kwarta nga kalakip na ang buy bust money.

Si Sotto ginakabig bilang High Value Individual (HVI) samtang si Ponteras naman isa ka newly identified drug personality.

Priso karun ang duha ka mga persona sa custodial facility sang Police Station 3 para sa nagakaigo nga disposisyon.

Ang nakapalagyo ang pasakaan man sang nagakaigo nga kaso. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

TUBTOB MAYO 30 GINPANGABAY SANG MGA NAGA NEGOSYO SA VENDORS’ PLAZA

April 19, 2024

Nagapangabay si Kapitan JR Alcantara sang Barangay 12 sang dugang nga 15 tubtob 30 dias para maka preparar kag makasaylo ang mga nagabaligya pa sa vendors’ plaza.

Una nga ginpahayag ni City Legal Officer Atty. Romeo Carlos Ting Jr., nga sa pag abot sang Lunes, Abril 20, pwersa nga pahalinon ang nabilin nga nagabaligya sa lugar kon indi boluntaryo nga magbiya matapos ang demand letter nga ginpapanaug.

Suno kay Alcantara, madugay na nga nagabaligya sa lugar ang mga naga karenderya antes paman gintukod ang vendors’ plaza.

Suno kay Alcantara, nagapangabay ini sang human consideration sa mga ma apektuhan nga ma plastar ang mga magagmay nga negosyante antes nga pahalinon lakip man ang financial assistance.

Liwat nga ginatindugan ni Alcantara ang pahayag sadto ni Mayor Albee Benitez nga wala sang demolisyon nga matabo kon wala pa maplastar ang sayluhan.

Ginpahayag sang Kapitan, gina comply pa sang iban nga residente ang requirements para sa relocation site sa Barangay Vista Alegre.

Sa record sang BHA, sa 64 ka kwalipikado nga pamilya, 35 na ka pamilya ang nakabaton sang award nga lote sa relocation site.

Suno kay Jerry Badayos, 50 anyos, 10 ka tuig na siya nga naga tyangge sa amo nga lugar kag ini ang nagaserbe sini nga palangabuhian.

Suno kay Badayos, sa meeting nila kaupod kay kapitan, nagpangayo sila sang bulig para nakalambot kay Mayor Albee Benitez ang ila pangabay nga makatiner kag makabaligya tubtob pa sa Mayo 30 kag indi sa adlaw nga ginhatag sang City Legal Office nga tubtob nalang sa Abril 22.

Ginapangabay man ni Badayos nga mahatagan sila sang pwesto sang syudad para makapadayon sa pagbaligya.

What’s your Reaction?
+1
0
+1
0
+1
0
+1
0
+1
0
+1
0
+1
0

PAGDEKLARAR SANG STATE OF CALAMITY SA NEG OCC, GINPANGABAY SANG UNIFED

April 19, 2024

Gin-apelar ni United Sugar Producers Federation (Unifed) President Manuel Lamata, kay Governor Bong Lacson , Vice Governor Jeffrey Ferrer kag mga Provincial Board Members nga magdeklarar sang state of calamity sa Negros Occidental.

Suno kay Lamata, isa ini sa mga pamaagi para makabakal sang kaugalingon nga eroplano ang gobyerno probinsiyal agud usaron sa cloud seeding operations.

Dugang ni Lamata, nga nagakinahanglan na subong sang tubig ang mga katubuhuan nga apektado sang El Niño phenomenon.

Una diri ginpangabay ni Fifth District Cong. Dino Yulo ang Bureau of Soil and Water Management (BSWM) nga i-reassess ang ila desisyon nga nagapamatuk sa cloud seeding bangud sa kakulang sang seedable clouds kag posible kahalitan sa mga kapahuan sa San Carlos kag Guimaras.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.