Ginabulong karon sa hospital ang suspek nga nagpalupok sa nagaresponder nga pulis sa inaway sang grupo sang mga kabataan kaina sang aga, Sabado sa Prk. Consuelo, Brgy Poblacion 2, syudad sang Sagay.
Ang suspek ginkilala kay Delmar Villasorda, 18 anyos kag residente sang amo nga syudad.
Sa inisyal nga pagpangusisa ni PLt. Col. Roberto Indiape, hepe sang Sagay City Police Station, ginresponderan sang grupo ni PSSG Melvin Latoza, membro sang 65th SAC/PNP SAF ang komosyon sang ginaalegar hubog nga mga kabataan.
Dugang pa ni Indiape, nakita ni Latoza ang paghupot sang armas si Villasorda rason nga iya ini ginpalapitan apang nagdalagan kag gintiro pa ang pulis.
Sa amo nga inidente, naobligar magbalos si Latoza kag ginluthang sini si Villasorda kag naigo sa tiyan. Gindala sa ospital si Villasorda nga karon confined sa Corazon Locsin Montelibano Memorial Regional Hospital para sa iya hospital arrest.
Nakuha sa lugar sang insedente ang isa ka Homemade revolver nga may 4 ka mga bala sa M16, sa diin ang isa dire ang kumpirmado nga nakalupok.
Si Sgt. Latoza ang temporaryo man nga ginkostudiya sa Cadiz City PNP para sa imbestigasyon. | Aksyon Alvin Grava
