18 ANYOS NGA LALAKI PAGA OPERAHAN MATAPOS GINBUNO SANG HUBOG NGA TIYO SA LA CARLOTA

Share on facebook
Share on pinterest
Share on twitter
Share on print

Natalana nga operahan ang 18 anyos nga hinablos matapos nga ginbuno sang tiyo sa Hacienda Molave, Brgy Nagasi, La Carlota City takna las 9:15 sang gab-i, Hwebes.

Ginakilala ang biktima nga si Elmark Alarcon, 18 anyos, samtang ginakilala ang suspek nga si Marlon Alarcon Jr., 38 anyos, parehas nga residente sang nasambit nga Barangay.

Ginpahayag ni Staff Sgt. Michael Jan Ballentes, imbestigador sang La Carlota PNP, bag-o lang puli ang biktima sang nag tinguha nga pakalmahon ang naga maoy nga suspek sang natabo ang pagpangbuno.

Nakaangkon sang pilas ang biktima sa tuo nga butkon kag sa tyan kag confine sa Teresita Jalandoni Provincial Hospital.

Suno sa imbestigador, Biernes sang kaagahon sang nagpuli ang suspek sa ila balay kag nagkwa sang gamit kag nagpalagyo.

Ginatan-aw sang kapulisan nga motibo sang pagpangbuno ang sadto pagpalayas sang tiyo sa iya nga hinablos.

At large sa karon ang suspek kag desidido ang Pamilya sang biktima nga magpasaka sang kaso nga murder ukon frustrated homicide.

What’s your Reaction?
+1
1
+1
0
+1
0
+1
2
+1
0
+1
0
+1
0

NAPULO KA WATER REFILLING STATIONS SA E.B MAGALONA WALA SANG SANITARY KAG BUSINESS PERMITS

10 sa 37 ka mga naga-operate nga Water Refilling Station sa banwa sang EB Magalona ang wala sang sanitary kag business permit.

Sa interview sa Aksyon Hotline, ginpahayag ni EB Magalona Mayor Marvin Malacon nga temporaryo niya ginpasira ang napulo ka mga water refilling station nga samtang naga-proceso pa sang ila dokumento.

Suno kay Malacon, nagpatigayon sila kahapon sang pagsinapol upod sa mga tag-iya sang water refilling station sa ila nga banwa kag didto ginpanugyan sa owners ang ila pagahimuon nga tikang agud masiguro nga matinlo ang ila ginabaligya nga tubig.

Nahibaloan, ang banwa sang EB Magalona ang naka-record sang isa ka kaso sang Cholera sa diin naka-rekober na man ang pasyente.| Aksyon Dorel Cabatu via Aksyon Hotline

What’s your Reaction?
+1
0
+1
0
+1
0
+1
0
+1
0
+1
0
+1
0

DUHA KA LALAKI KAG ISA KA MENOR DE EDAD, NADAKPAN SA BUY-BUST OPERATION SA SILAY

Narekober ang masobra 95,000 pesos nga balor sang ginasuspetsuhan shabu sa buy bust operation sang Silay City PNP sa Sitio Dacutan Dacu, Brgy Mambulac, syudad sang Silay pasado las 2 sang hapon, Oktubre 3.

Ang mga nadakpan amo sanday Myco Galleno, 37 anyos; Jaynel Siason, 19 anyos kag isa ka menor de edad nga lunsay residente sang Sitio Dacutan Dacu, Brgy Mambulac, sa amo man nga syudad.

Suno kay Police Lt. Col. Mark Anthony Darroca, hepe sang Silay City PNP, si Galleno nga isa ka street level individual ang subject sang buy bust operation.

Dugang pa, si Galleno ang Top 6 man sa drugs watchlist sang Silaty City PNP. Nakumpiskar kay Galleno ang siyam ka sachet sang ilegal nga droga kag isa ka sulpak.

Samtang, nakuha naman sa menor de edad ang 5 ka sachet sang ginasuspetsuhan shabu.

Sa kabug-usan, 14 ka gramos sang ginasuspetsuhan shabu ang narekober sang kapulisan nga ginabulubanta nagabalor sang 95,200 pesos. Kaso nga paglapas sa layi nga nagadumili sa pagbaligya kag paghupot sang ilegal nga droga kag paghupot sang ilegal nga armas ang pangatubangon sang tatlo ka mga nagkaladakpan. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.