18 KA EMPLEYADO SANG PDMPD GINPAPANAUGAN SANG SHOW CAUSE ORDERS

Share on facebook
Share on pinterest
Share on twitter
Share on print

18 ka mga empleyado sang gobyerno probinsiyal nga nakadestino sa Provincial Disaster Management Program Division (PDMPD) ang ginpapanaugan sang “show cause orders” (SCO), bangud sa indi pagsunod sang proseso, malain nga pamatasan kag indi pagperform sang duty.

Suno kay Provincial Legal Officer Atty. Alberto Nellas Jr., ginpapanaug ang SCO nagligad nga duha ka semana sa diin ang 17 ang nakasumiter na sang paathag.

13 sa mga ini ang drivers nga wala makasumiter sang approved Driver’s Vehicle Trip Ticket (DVTT).

Ang lima amo ang 3 ka administrative aide II, 1 ka special operation officer I, kag 1 ka utility worker II. Dugang pa ni Nellas nga kun sundon ang proseso sa pagbiyahe sang salakyan sang gobyerno, dapat may DVTT na nga masumiter ang driver antis ang biyahe, apang sa kaso sang 13 nagakalab-utan pa sang binulan antis mafile.

May pila man ka mga PDMPD employees nga wala nagaperform sang ila duty, malain nga pamatasan kag nagapamahug sa ila upod nga empleyado.

Ginklaro ni Nellas nga kabahin lamang ini sa ginahimo sang gobyerno probinsiyal agud matadlung ang trabaho sang mga empleyado kag madisiplina kun kinahanglanon.

Suno kay Nellas nga kun sundon ang revised rules sang Civil Service Commission sa administrative cases, dapat makapagwa sila sang rekomendasyon sa sulod sang 20 ka adlaw apang kinahanglan nila sang extension bangud sa kadamuon sang mga gin-isyu nga SCO. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.