19 KA BARANGAY NAG BATON SANG TIG 300K GIKAN SA PROBINSYA

Share on facebook
Share on google
Share on pinterest
Share on twitter
Share on print
(Capitol PIO Photo)

Dapat nga magsumiter sang liquidation report.

Ini ang ginpangabay ni Negros Occidental Governor Bong Lacson sa mga barangay kapitan nga nagbaton sang pondo para gastohan ang mga proyekto.

Sa turnover ceremony sa Governors Ground kaina sang aga, P300,000.00 nga balor ang tseke kada isa ang ginbaton sang 19 ka mga barangay.

Suno kay Lacson, kinahanglan nga maliquidate sang barangay ang ginhatag nga pondo , agud masiguro nga ini ang gingasto sa nagakaigo nga proyekto.

Dugang pa sang gobernador, ini man ang pagabasihan sang gobyerno probinsiyal agud liwat nga makahatag sang pondo sa masunod nga tuig.

Pila sa mga gastohan sang pondo, amo ang pagbakal sang multi-purpose nga salakyan, pagtukod sang BPAT outpost, health center, perimeter fence kag pagpatahom sang barangay hall.

Nagbaton man sang P8,000,000.00 ang lokal nga panguluhan sang syudad sang Escalante para makabakal sang mga units sang motor vehicle. | Aksyon Marlon Genovea

NEGROS OCCIDENTAL NAKARECORD SANG MANUBO NGA ACTIVE COVID-19 CASES SANG ISA KA SEMANA

Isa ka semana nga nakarekord ang Negros Occidental sang sunod sunod nga pagnubo sa aktibo nga kaso sang coronavirus disease (COVID-19).

Sa datos sang Provincial Incident Management Team (PIMT), nag umpisa ang pagnubo sang Hulyo 21, 2021 sa diin ang kaso naglab-ot sa 1,613 halin sa 1,623 sang Hulyo 20.

Ini ang nagpadayon sa sulod sang pito ka adlaw tubtub nga nangin 1,349 na lamang sang Hulyo 27.

Ginpahayag ni Provincial Administrator Atty. Rayfrando Diaz II, nagnubo naman ang occupancy rate sang mga district hospital sa probinsiya.

Nagapati si Diaz nga resulta ini sang mass vaccination nga ginpatigayon kontra COVID-19. | Aksyon Marlon Genovea

KAPIN 2K KA BACOLODNON NAKA AVAIL SANG DOLE-TUPAD PROGRAM HUMALIN ENERO TUBTOB HUNYO 2021

Kapin 2,000 na ka mga Bacolodnon ang nangin benepisyaryo sang Emergency Employment Assistance Program/DOLE-TUPAD Program humalin Enero tubtob Hunyo 2021.

Suno kay Congressman Greg Gasataya, nagsumiter na sila sang suhestyon sa DOLE sa mga Barangay nga ipatuman ang ini nga programa para sa kapin 3,000 ka mga Bacolodnon para sa bulan sang Hulyo tubtob Septembre 2021.

Ini nga programa ang para sa mga disadvantaged ukon displaced workers nga magatrabaho sa Barangay sa sulod sang 10 ka adlaw kag magabaton sang 3,950.

Ginpaathag ni Gasataya nga ila trabaho nga masiguro nga may yara sang pondo para sa mga benipesyaryo samtang ang Barangay amo ang magapili bangud sila ang mas nakahibalo kon sin-o ang nagakinahanglan.

Subong nga adlaw, Hulyo 28, nagbaton sang tig-3,950 ang mga benepisyaryo sang DOLE Tupad Program sa Barangays 37, 21 kag 40.

MORE STORIES:

LIKE US ON FB

error: Ooops... You are not authorized to copy this content.