Narekober ang masobra 1 million pesos nga balor snag suspected shabu sa isa ka 26 anyos nga lalaki sa joint drug buy-bust operation sang katapo sang Special Operation Unit 6, Philippine National Police Drug Enforcement Group kag Bacolod City Police Station 4 sa Rizal Extension, Purok Star Apple 2, Barangay 27 sa siudad sang Bacolod, kaina sang aga, Martes, Marso 14, 2023.
Base sa SOU 6 PNPDEG nga nakumpiskar sa naaresto ang isa ka bulto nga shabu , 13 ka mga medium heat sealed plastic sachets kag 45 ka magagmay nga pakete nga lunsay nagaunod man sang ginasuspetsohan shabu.
Ginabulubanta nagabug-at sang 150 gramos ang nakumpiskar sang kapulisan sa nasambit nga operasyon.
Ang naaresto ang ginkilala nga si Mark Salmingo, 26-anyos, wala sang ubra kag ginakabig nga isa ka High Value Individual.
Si Salmingo ang nahunong sa Police station 4. | Aksyon Zil Menardo
