SECTIONS

Today is:

LALAKI GINTIRU-PATAY SANG GINA-ALEGAR RINDING IN TANDEM

Share on facebook
Share on google
Share on pinterest
Share on twitter
Share on print

Patay ang isa ka lalaki matapos ginluthang sang duha ka wala pa makilal-an nga persona alas 12:10 sang hapon, Setyembre 16 sa Crossing Ambush Brgy. Manalad banwa sang Ilog. Ginkilala ang biktima kay Bernardo Fuentebella Jr., 57 anyos kag residente sang Brgy. Dancalan sa amo man nga banwa kag naka angkon sang igo sa likod nga bahin sang iya ulo. Samtang, ang mga suspetsado naman ang wala pa makilal-an apang base sa mga nakakita, may tabon ang ila nawong. Suno kay SPO4 Regie Pigar, Chief Investigator sang Ilog PNP, naghalin sa ila balay ang biktima kag magapadulong kuntani sa siudad sang Kabankalan sakay sa iya motorsiklo sang ini ang posible ginsunod sang mga suspetsado kag pag-abot sa lugar sang insidente, didto kag gintiru ang biktima. Dugang pa ni Pigar, nakita man sa CCTV camera sang ila police station nga may duha ka persona sakay sang motorsiklo ang naga sunod sa biktima apang indi klaro kag indi makita ang mga nawong sang mga ini bangud may tabon. Isa sa gina tan aw nila nga motibo sa pag patay amo ang pag pangawat bangud ila nahibalu-an nga nagliligad nga mga inadlaw, nakabaligya sang baka ang biktima kag sang matabo ang insidente may dala ini nga sling bag apang wala na ini marekober kag posible ginkuha sang mga suspetsado matapos gin himo ang krimen.

Last Updated on:

MORE STORIES:

ANU ANG IMO MA KOMENTO?

error: Ooops... You are not authorized to copy this content.