20K NAKUHA MATAPOS GINHOLDAP ANG DUHA KA LALAKI SA SIPALAY

Share on facebook
Share on pinterest
Share on twitter
Share on print

Liwat nga ginhold-up ang duha ka sales delivery representative sa Sitio Cambugui-ot, Brgy. Camindangan, syudad sang Sipalay pasado las 11 sang aga, Setyembre 20.

Ang mga biktima ginkilala sanday Jonathan Adolacion, 42 anyos, residente sang Sitio Yamyam, Brgy.Cabadiangan, syudad sang Sipalay kag Arque Cuizon, 38 anyos sang Sitio Sagapan, Brgy. Lumbangan, banwa sang Mabinay probinsya sang Negros Oriental.

Suno kay Police Lt. Col. James Latayon Jr., hepe sang Sipalay City PNP, nagapanukot sa isa ka balaligyaan ang duha sang nag-abot ang duha ka mga suspetsado nga armado sang wala pa matumod nga kalibre sang armas-luthang.

Ginkuha ang koleksyon sang mga biktima nga nagalab-ot sa 20,000 pesos kag isa ka tablet.

May persons of interest na ang kapulisan sa paghold-up apang indi pa mapalayag ang mga ngalan samtang nagapadayon pa ang hot pursuit operation.

Sa rekord sang PNP, sanday Adolacion kag Cuizon ang ginhold-up naman sadtong Agosto 18 sa banwa sang Cauayan.

Nagapati naman si Latayon nga mahimo ginsunod kag ginbantayan gid sang mga suspetsado ang mga delivery personnel. | Aksyon John Diaz

What’s your Reaction?
+1
1
+1
0
+1
0
+1
0
+1
0
+1
1
+1
0

LPP PABOR SA PAGPAISOL SANG SK KAG BRGY. ELECTIONS SA OKTUBRE 2023

Pabor ang League of Provinces of the Philippines (LPP) sa pagpaisol sa barangay kag Sangguniang Kabataan (SK) elections sa Oktubre 2023.

Suno kay Negros Occidental Governor Bong Lacson, isa ini sa mga topiko nga gintalakay sa ginpatigayon nga 2nd LPP General Assembly sa syudad sang Koronadal South Cotabato nagligad nga Setyembre 30.

Dugang ni Lacson, pagahulaton na lamang nila nga mga gobernador ang pagpirma ni Presidente Bongbong Marcos Jr. sa hagna.

Nagligad nga Miyerkules ginratify sang Kamara ang bicameral conference committee report sang hagna, antis isumiter sa Malacañang para pirmahan ni Presidente Marcos.

Ang House Bill No. 4673 ang nagatalana sang brgy. kag SK elections sa una nga Lunes sang Desyembre 2023, samtang ang Senate Bill No. 1306 ang nagatalana naman sa ikaduha nga Lunes sang Desyembre 2023.

Apang ginkasugtan sang bicameral conference committee nga italana ang eleksyon sa katapusan nga Lunes sang Oktubre 2023. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

DUHA KA LALAKI KAG ISA KA MENOR DE EDAD, NADAKPAN SA BUY-BUST OPERATION SA SILAY

Narekober ang masobra 95,000 pesos nga balor sang ginasuspetsuhan shabu sa buy bust operation sang Silay City PNP sa Sitio Dacutan Dacu, Brgy Mambulac, syudad sang Silay pasado las 2 sang hapon, Oktubre 3.

Ang mga nadakpan amo sanday Myco Galleno, 37 anyos; Jaynel Siason, 19 anyos kag isa ka menor de edad nga lunsay residente sang Sitio Dacutan Dacu, Brgy Mambulac, sa amo man nga syudad.

Suno kay Police Lt. Col. Mark Anthony Darroca, hepe sang Silay City PNP, si Galleno nga isa ka street level individual ang subject sang buy bust operation.

Dugang pa, si Galleno ang Top 6 man sa drugs watchlist sang Silaty City PNP. Nakumpiskar kay Galleno ang siyam ka sachet sang ilegal nga droga kag isa ka sulpak.

Samtang, nakuha naman sa menor de edad ang 5 ka sachet sang ginasuspetsuhan shabu.

Sa kabug-usan, 14 ka gramos sang ginasuspetsuhan shabu ang narekober sang kapulisan nga ginabulubanta nagabalor sang 95,200 pesos. Kaso nga paglapas sa layi nga nagadumili sa pagbaligya kag paghupot sang ilegal nga droga kag paghupot sang ilegal nga armas ang pangatubangon sang tatlo ka mga nagkaladakpan. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.