21 ANYOS NGA LALAKI NGA NAGLABO SA MAG-UTOD, GINPASAKAAN NA SANG KASO

Share on facebook
Share on google
Share on pinterest
Share on twitter
Share on print

Napasakaan na sang kaso nga frustrated murder ang 21 anyos nga suspetsado sa pagpanglabo sa mag utod, sa Sitio Sapua, Barangay Bi-ak na Bato, banwa sang La Castellana.

Suno kay La Castellana PNP Chief of Police Captain Rhojn Darell Nigos, kaina sang aga ginpasaka ang kaso batuk kay Warren Taliogo.

Una diri, nagwa sa imbestigasyon sang kapulisan nga naka-inom si Taliogo sang ginhimo ang pagpanglabo usar ang ispading, sa mag utod nga sanday Wilma, 47 anyos kag Nena Dela Torre, 32 anyos.

Nadakpan si Taliogo sa follow up operation samtang ginabulong sa Corazon Locsin Montelibano Memorial Regional Hospital sa syudad sang Bacolod ang mag utod. | Aksyon Alvin Grava

ISA PATAY SA PAGBUNGGO SANG MOTORSIKLO SA TRUCK

Ginbawian sang kabuhi ang driver sang motorsiklo samtang pilason angkas sini sa aksidente nga nagluntad sa Sitio Bunacan, Barangay Salamanca, Banwa sang Toboso Domingo sang hapon.

Ang napatay ginkilala kay Rey Cansancio, 34 anyos nagapuyo sa Siito Bankerohan, ang pilason ginkilala kay Jimmy Mahilum, 61 anyos nagapuyo sa Sitio Tiguib, samtang ang suspetsado ginkilala naman kay Vincente Elmer Tiin, 53 anyos nagapuyo sa Crossing Salamanca sa amo nga Barangay.

Suno kay PCapt Paul Kenneth Magan, naglapaw sa kurbada nga bahin sang dalan ang ginamaniho nga motorsiklo sang napatay kag nasugata ang nagapadulong nga truck.

Dugang ni Magan, gin tinguhaan pa sang driver sang truck likawan ang motorsiklo, apang nalab-ot ini kag agkalatumba, rasun sa kamatayon ni Cansancio kag ginabulong sa hospital si Mahilum.

Yara naman sa kostudiya sang kapulisan si Tiin. | Aksyon Bryan Morden

PROBINSYA GINKILALA ANG AKSYON RADYO BACOLOD SA KAMPANYA KONTRA ASF

(Capitol PIO Photo, July 26 2021)

Isa ang dyEZ Aksyon Radyo Bacolod sa mga ahensiya  nga ginpasidungan  sa suporta kag kontribusyon  bilang partner sang African Swine Fever (ASF) Task Force in media sa kampanya agud mapabilin nga ASF-Free ang Negros Occidental. 

Ang plaque of commendation ang ginhatag  ni Governor Bong Lacson kag ASF Task Force  Co-Chairperson Provincial Veterinarian Dr. Renante Decena sa Social Hall sang   kapitolyo probinsiyal subong nga adlaw Hulyo 26, 2021, kadungan sa ikaduha ka tuig  nga anibersaryo sa pagtukod sang Provincial ASF Task Force.

Hulyo 26, 2019 sang gintukod ang task force paagi sa Executive Order No. 19-23 ni Governor Lacson,  matapos ideklarar ang outbreaks sa ASF  sa pila ka mga  probinsiya  sa Pilipinas  umpisa  tuig  2019. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.