22 ANYOS NGA ANAY PRESO, NASAPWAN PATAY; BIKTIMA NAKA DUCT TAPE ANG BABA, KAMOT, MATA KAG TIIL

Share on facebook
Share on pinterest
Share on twitter
Share on print

Nasapwan patay ang 22 anyos nga lalaki nga manugbaligya isda sa Central Market kag anay preso sa Simon Village, Purok Guanzon, Brgy. Mansilingan siudad sang Bacolod mga las 7 kaina sang aga, Enero 27.

Ang biktima ang ginkilala kay Henry Paul Bombate, 22 anyos may duha ka mga kabataan kag residente sang Sitio Sibucao, Brgy. Banago sa amu nga siudad.

Ang biktima ang may pito ka igo sang luthang sa ulo kag dughan sang indi pa mahibaloan nga calibre sang armas luthang.

Suno kay Police Major Elmer Bonilla hepe sang Police Station 7, may duct tape ang baba, mata, kamot kag tiil ni Bombate sang masapwan ini kaaina sang aga.

Nagapati si Bonilla sa lain nga lugar ginpatay si Bombate kag ginbilin lang ang iya bangkay sa nasambit nga lugar.

Base sa panaysayon sang pamilya ni Bombate, mga las 4 sang hapon kahapon, Huwebes, Enero 26 sang ini ang naghalin sa ila nga puloy-an kag wala na makapauli pa.

Suno sa iya utod nga si Delia, las 8 sang gab-i ang masami nga pagpauli sang iya utod sa ila nga puloy-an, rason nga nagbatyag sila sang kabalaka sang naglapaw na las 8 kag wala pa makapauli.

Suno kay Delia, gina-chat niya si Henry Paul apang gina-seen lamang sini, apang pag-abot sang las 3 sang kaagahon, Enero 27, nag-reply ini nga pauli na siya kag safe siya, apang wala man sang may nag-abot sa ila nga puloy-an.

Kaina sang aga, sang ila mahibaloan nga may nasapwan nga bangkay, gilayon sila nagpadulong sa punerarya kag didto ila nakumpirmar nga ila ini himata.

Nahibaloan, si Henry Paul ang na-preso na sadto sa kaso iligal nga droga, apang ginpanginwala na man sang pamilya nga naga-intra pa ini sa iligal nga bulohaton. | Aksyon Dorel Cabatu, Aksyon Alvin Grava, Aksyon Eric Magbanua

What’s your Reaction?
+1
1
+1
0
+1
0
+1
0
+1
0
+1
0
+1
0

BANGKAY NGA NASAPWAN SA BARANGAY TACULING, NAKILALA NA

Ginkumpimar ni PCapt. Dax Santillan, hepe sang BCPO Police Station 6, nga nakilala na ang bangkay sang isa ka call center agent matapos nasapwan nga wala na sang kabuhi sang Sabado, Pebrero 24 sa corner Circon st Corazon Aquino Drive, Barangay Taculing, syudad sang Bacolod.

Suno kay Santillan, ang biktima ginkilala kay Michael Johann Christian Persey, 29 anyos kag residente sang Repullo St. Barangay 5, syudad sang Kabankalan.

Dugang pa ni Santillan, nagpadulong sa opisina sang Police station #6 ang iloy ni Persey kag positibo nga ginkilala sini ang iya bata matapos nagpadulong sa Morgue sang Bacolod Adventist Medical Center.

Ginapahayag man ni Santillan nga nagpamalibad ang iloy sang biktima nga ipaidalum pa sa autopsy ang bangkay ni Persey sa tuyo kon tani nga hibaluon ang “cause of death” sini sa baylo gindala na lamang ang bangkay sang biktima sa syudad sang Kabankalan.

Sa karon blangko pa ag mga kapulisan sa pagkilala sa suspek kag kung ano ang gingamit sa pagpatay.

Madumduman, alas 5:15 sang aga sadtong adlaw sang Sabado, nasapwan ang patay nga lawas ni Persey sa kilid sang dalan nga may pilas sa dughan kag tangkugo.

What’s your Reaction?
+1
0
+1
0
+1
0
+1
0
+1
0
+1
1
+1
0

LOTTO RESULTS – FEBRUARY 25, 2024

6/58 Ultra Lotto February 25, 2024
Winning Combination 06-33-48-56-27-35
Jackpot Prize Php 159,479,545.60
Number of Winner(s) *

6/49 Super Lotto February 25, 2024
Winning Combination 20-49-43-46-44-08
Jackpot Prize Php 16,625,593.40
Number of Winner(s)

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.