30 tubtub 40% pa lamang nga mga lugar sa banwa sang Hinobaan ang na na-energized, isa ka bulan ang nagligad sang maglaslas ang bagyo Odette.
Suno kay Mayor Ernesto Estrao, madamo pa sang mga lugar nga wala mapabalik ang elektrisidad, ilabi na sa sur kag nabukid nga bahin sang banwa.
Ginpasalamatan sang alkalde ang iban nga mga electric cooperatives nga nagbulig para mapadasig ang pagpabalik sang elektrisidad.
Dugang pa ni Estrao, halos 100% sang mga residente sa banwa ang naapektohan sang bagyo, sa diin kapin sa 15,000 ka mga households ang nahalitan.
Si Estrao ang isa lamang sa mga opisyal nga nagpanguna sa paghatag ayuda sang gobyerno probinsiyal subong nga adlaw, paagi kay Governor Bong Lacson.
Ginabulubanta sang alkalde nga bilyones ka pesos ang balor sa kahalitan sang bagyo Odette sa banwa sang Hinobaan. | Aksyon Marlon Genovea
