32 KA APLIKANTE WALA GIN APRUBAHAN PARA MANGIN BOTANTE SANG BACOLOD

Share on facebook
Share on pinterest
Share on twitter
Share on print

Wala gin aprubahan sang Election Registration Board ukon ERB ang application sang 32 ka mga nagparehistro sa Comelec Bacolod.

Suno Kay Bacolod Election Officer Atty. Kathrina Trinio-Caña, 31 ang gin disapproved ang gikan sa Brgy. 19 kag isa ang gikan sa Brgy. 28.

Madumduman, 41 tanan ka mga aplikante ang ginkwestyon kag ginpatawag sang ERB nagligad nga semana.

Gin ehemplo ni Trinio-Caña, nga kalabanan sa mga wala gin aprubahan nga gikan sa Brgy. 19 ang gin relocate na sa Purok Pedring, Brgy. Estefania, base man sa ila pahayag sa ERB hearing.

Paathag ni Caña, makaboto tane ang mga natungdan nga aplikante kon nagparehistro sa insakto nga lugar.

Suno kay Caña, sarang pa maka file sa korte sang petition for inclusion ang mga wala na aprubahan.

Ginpadala-an na sang notice of disapproval ang mga natungdan nga aplikante.

Ang ERB ang ginabug-usan ni Trinio-Caña, kaupod si Atty. Jubert Katalbas, tiglawas halin sa Bacolod School Division, kag City Civil Registrar Head Atty. Hermilo Pauyon.

What’s your Reaction?
+1
0
+1
0
+1
0
+1
0
+1
0
+1
0
+1
0

20 KA TRAFFIC ENFORCERS MAGAPASAKOP SA DANCING TRAFFIC ENFORCER SA MASSKARA 2022

0 ka traffic enforcers ang magapasakop sa pagbalik sang Dancing Traffic Enforcer sa MassKara Festival 2022.

Suno kay BTAO Head Major Junji Liba, may pre-qualification round umpisa Oktubre 5 takna las 3:30 sang hapon sa corner Lacson kag BS Aquino Drive para mapakita sang mga enforcer ang ila abilidad samtang naga duty.

Ang qualified entry maga perform sang apat ka adlaw ukon sa Oktubre 7, 11, 13 kag 17.

Gintalana naman sa Oktubre 19 ang final round.

Suno kay Liba, pwede maka intra ang mga traffic enforcer nga nagdaug na sadto.

Sa karon, gina finalize pa sang BTAO ang premyo.

Ulihe nga Dancing Traffic Enforcer competition ang ginpatigayon sang Oktubre 2021.

What’s your Reaction?
+1
1
+1
1
+1
0
+1
0
+1
0
+1
0
+1
0

LPP PABOR SA PAGPAISOL SANG SK KAG BRGY. ELECTIONS SA OKTUBRE 2023

Pabor ang League of Provinces of the Philippines (LPP) sa pagpaisol sa barangay kag Sangguniang Kabataan (SK) elections sa Oktubre 2023.

Suno kay Negros Occidental Governor Bong Lacson, isa ini sa mga topiko nga gintalakay sa ginpatigayon nga 2nd LPP General Assembly sa syudad sang Koronadal South Cotabato nagligad nga Setyembre 30.

Dugang ni Lacson, pagahulaton na lamang nila nga mga gobernador ang pagpirma ni Presidente Bongbong Marcos Jr. sa hagna.

Nagligad nga Miyerkules ginratify sang Kamara ang bicameral conference committee report sang hagna, antis isumiter sa Malacañang para pirmahan ni Presidente Marcos.

Ang House Bill No. 4673 ang nagatalana sang brgy. kag SK elections sa una nga Lunes sang Desyembre 2023, samtang ang Senate Bill No. 1306 ang nagatalana naman sa ikaduha nga Lunes sang Desyembre 2023.

Apang ginkasugtan sang bicameral conference committee nga italana ang eleksyon sa katapusan nga Lunes sang Oktubre 2023. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.