Arestado ang ginalegar drug pusher sa buy-bust operation sang BCPO City Drug Enforcement Unit sa Purok Sigay Brgy 2, syudad sang Bacolod kaina sang aga, Hwebes.
Ang naarestu ginkilala kay Jonathan Estolano, 36 anyos nagapuyo sa amo nga lugar.
Suno kay PLt. Joven Mogato, head sang CDEU, si Estolano ang ginakabig nga Street Level Individual kag akto nga nagbaligya sang ilegal nga druga sa police poseur buyer.
Narekober sang mga otoridad ang 6 ka plastic sachet sang ginasuspetsuhan shabu nalakip na dire ang buy-bust item ginabulubanta 27 ka gramo ang kabug-aton nga may Dangerous Drugs Board Value balor 180 mil ka pesos.
Si Estolano ang nahunong karon sa custodial facility sang Police Station 2 kag nagapangatubang sang kaso paglapas sa sec. 5 kag 11 sang R.A. 9165 ukon pagpabaligya kag paghupot sang ilegal nga druga. | Aksyon Alvin Grava
