5.4B NGA BUDGET SANG PROBINSYA SA 2024, APRUBADO NA

Share on facebook
Share on pinterest
Share on twitter
Share on print

Pinal na nga gin-aprubahan sang Sanguniang Panlalawigan (SP) ang P5.4 billyones pesos nga annual budget sang Negros Occidental para sa 2024.

Suno kay SP committee on finance chairman First District Board Member Rommel Debulgado nga sa sini nga budget, P5, 244, 603, 544 ang para sa General Fund kag ang nabilin nga P190,041,156 ang para sa Economic Enterprise Develeopment Department (EEDD).

Dugang pa ni Debulgado, 5.66% ang saka sang tuigan nga pondo sa 2024, ikomparar sa P5.1 billion nga budget subong nga 2023.

Ini bangud sa pagbalik saka sa ‘share’ sang probinsiya sa National Tax Allotment (NTA).

Subong nga 2023, nagnubo sa P780 million ukon 12.87% ang annual budget sang probinsiya bangud sa pagbuhin sa NTA sang mga local government units.

Ang pagbuhin sa 2023 nga NTA nga nagpanubo man sa tax collection, ang resulta sang Covid-19 pandemic sang 2020.

What’s your Reaction?
+1
0
+1
0
+1
0
+1
0
+1
0
+1
0
+1
0

ANAY PRESO NGA GINALEGAR NAGBATO SA KAPULISAN NALUTHANGAN, PATAY

Patay ang 45 anyos nga lalaki kag anay priso matapos nagbato sa kapulisan pinaagi sa pagpalupok sang armas-luthang sa Sitio Tugbungan, Barangay II, banwa sang Hinigaran, Negros Occidental , Sabado, Pebrero 24, 2024.


Ginkilala ang napatay nga si Alladin “Doydoy” Palcotan, wala sang trabaho, residente sang Brgy. Araal ,syudad sang La Carlota, kag person of interest sa pagbuno sa abyan sini nga si Eduard Acupan, 38-anyos.

Suno kay Police Major Clifford Batadhay, hepe sang Hinigaran Municipal Police Station, matapos makabaton sang impormasyon nga may yara sang stabbing incident gilayon nga nagresponde ang kapulisan.

Base sa imbestigasyon, ginbuno ni Palcotan si Acupan nga nakaangkon sang buno sa nawala nga tiyan matapos nagbaisay ang duha.

Nag negosyar pa ang kapulisan kay Palcotan bangud ini ang nagpabilin sa sulod- balay sang biktima kag may dala nga armas luthang.

Palayag ni Batadhay , nagdesisyon sila nga i-suffocate si Palcotan gamit ang fire extinguisher sang makapila ka beses apang nagapalupok ini batuk sa kapulisan.

Dugang pa, pag-abot sang 61st Special Action Force (SAF), nagbriefing ang mga ini kaupod ang kapulisan kag nadesisyonan nga sudlon nalang ang balay ni Acupan agud ma-neutralize si Palcotan.

Nakaangkon sang pilas si Palcotan matapos natiruhan kag ginhingagaw pa dala sa ospital apang gindeklarar nga dead-on-arrival.

Nahibaluan nga ang duha ka imbolbado ang mag-abyan kag bag-o lang naka gwa halin sa sulod sang prisohan.

What’s your Reaction?
+1
0
+1
0
+1
0
+1
0
+1
0
+1
0
+1
0

BATA NGA NAGPANAGO SA IDALUM SANG PICK-UP AKSIDENTE NGA NALAPAKAN, PATAY

Patay ang 4 ka tuig nga bata nga lalaki matapos nalapakan sang goma sang salakyan sa atubang sang KMart, sa dalan Galo, barangay 22, syudad sang Bacolod, alas 7:20 kagab-i, Sabado, (Feb. 24).

Sa inisyal nga pagpangusisa ni Capt. Francis Depasucat, hepe sang BCPO Police Station 4, ang menor de edad residente sang Galo, Barangay 22.

Ang suspek nga driver sang Navara pick-up ang isa ka babayi nagapang-edaron sang 35 anyos.

Dugang pa ni Depasucat, ginaalegar nagahampang ang biktima upod sa pila pa ka menor de edad kag nagpanago sa idalum sang pick-up sang aksidente nga naisulan kag nalapakan sang pangulihi nga goma ang lawas sini.

Ginhingagaw pa kon tani dala ang biktima sa Corazon Locsin Montelibano Memorial Hospital apang napatay samtang ginabulong.

Ginpahayag man ni Depasucat nga nag-istoryahanay na ang pamilya sang biktima kag ang suspek kag ginsabat man sini ang mga gasto asta sa pagpalubong.

Hungod nga wala ginhingadlan ni Depasucat ang ngalan sang suspek basi sa pangabay sang pamilya.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.