52 KA MG RETURNING OFWs NAG ABOT NA SA PROBINSYA

Share on facebook
Share on google
Share on pinterest
Share on twitter
Share on print
(Bacolod PIO Photo)

Naka-abot na ang 52 ka mga returning Overseas Filipino Workers ukon OFWs nga kalabanan mga seafarers sa BREDCO Port sa syudad sang Bacolod subong nga gab-i, Abril 28.

Sa record, may yara sang 52 ang sakay sa St. Leo the Great nga Roll On Roll off vessel sang 2 Go travel sa diin, 24 ang taga-syudad sang Bacolod kag 28 naman ang taga-probinsiya sang Negros Occidental.

Ang 28 ka pasahero ang iga-deritso sa healing Center sa banwa sang EB Magalona para sa mandatory 14-day quarantine kag ang nabilin nga 24 pagadal-on naman quarantine center sang Bacolod sa Lopez Jaena Elementary School.

(Bacolod PIO Photo)

Suno kay Councilor Israel Salanga, chairman sang Action Team for Returning OFWs, sa pihak nga nagnegatibo ang mga pasahero sa rapid testing sa Manila apang ginakinahanglan nga makuhaan sang swab test para masiguro nga hilway sila sa COVID-19 samtang yara sa quarantine facility sang syudad. | Aksyon Ann Defensor, Aksyon John Diaz

DOH MAGAPATIGAYON SANG SITE INSPECTION SA POSIBLE PATUKURAN SANG BACOLOD GENERAL HOSPITAL

Magapadulong ang DOH sa syudad sang Bacolod para sa site inspection sa lugar nga posible pagatukuran sang Bacolod General Hospital.

Ini matapos nga damlag lang, ginpabalo sang DOH si Congressman Greg Gasataya nga ginlakip na sang Department of Budget and Management ukon DBM ang pondo para sa pag tukod sang hospital sa 2022 National Expenditure Program.

Suno kay Gasataya, tinalikdan nga semana sang ginpabalo siya sang DOH nga luyag nga magpadulong sa Bacolod para sa site inspection pero wala pa sang pat-od nga petsa.

Nagpangabay man si Gasataya sa DPWH kag DOH nga mag himo sang perspective sang hospital bilang preparasyon sa natalana nga budget deliberation sang kongreso.

Suno sa Kongresista, indi pa niya mapalayag ang mga lugar nga posible tukuran sang hospital pero nagapabilin pa nga bukas sa tion nga may luyag pa nga magtanyag sang propedad.

TOP 4 DRUG PERSONALITY SANG KABANKALAN PNP, NADAKPAN

Liwat magapangatubang sa dugang nga kaso ang Top 4 drug priority target list sang Kabankalan City Police Station matapos nakuhaan sang ilegal nga druga sa Sitio Nato, Brgy. Aguisan, syudad sang Himamaylan kagab-i, Hulyo 28.

Ang suspek ginkilala kay Joy Jen Utana, 28 anyos residente sang Brgy 6, syudad sang Kabankalan.

Suno kay PLt. Arturo Margallo, Deputy Chief of Police sang Himamaylan City Police station, si Utana ang nalista bilang number 1 most wanted person sang Kabankalan PNP kag paagi sa Manhunt Charlie Operation, tigayon nga ginserbi sa iya ang mandamiento de aresto sa kaso Violation of Sec. 5, sang R.A. 9165, kag wala sang piyansa batok sa iya.

Sa pag-aresto, narekober sa iya ang 1 ka gramo sang ginasuspetsuhan shabu nga may Standard Drug Price 6,800.

Si Utana ang priso karon sa custodial facility sang Himamaylan PNP kag ginahanda na ang kaso paghupot sang ilegal nga druga kag drug paraphernalia batok sa iya. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.