53 KA GASOLINAHAN SA BACOLOD NAPAIDALUM NA SA TESTING KAG CALIBRATION

Share on facebook
Share on pinterest
Share on twitter
Share on print

Nagdangat na sa 53 ka mga gasolinahan ang napadulungan sang City Treasurer’s Office – License Division agod magpatigayon sang fuel inspection, testing, calibration kag sealing.

Ginpahayag ni Jose Ernie Carpintero, chief sang CTO-License Division, ang Bacolod City may kabug-usan nga 123 ka mga gasolinahan, 53 ang makit-an sa Sur, 21 sa Central kag 49 sa Norte.

Ang CTO-License Division ang may duha ka teams nga ginalakipan sang tig tatlo ka mga miembro.

Suno kay Carpintero, may pila ka mga gasolinahan nga natukiban nga may ‘broken seals’ pero ini bangud ang madugay na.

Sa karon, wala pa sang gasolinahan nga natukiban nga may paglapas sa polisa.

Sa karon, ginahulat ni Carpentero ang ideploy nga job order workers sa ila opisina para sa pagpadayon sang inspection nga ginapaabot matapos sa una nga quarter sang 2023.

Gin intensify sang CTO ang fuel calibration base sa gin aprubahan nga resolusyon sang Sangguniang Panlungsod.

What’s your Reaction?
+1
0
+1
0
+1
0
+1
0
+1
0
+1
0
+1
0

HOSPITAL SA SAGAY BALIK NA SA PAGBATON SANG ADMISYON SA MGA PASYENTE

Balik na ang pagbaton sang admisyon sa mga pasyente ang Alfredo E. Marañon Sr. Memorial District Hospital (AEMSMDH) sa syudad sang Sagay Negros Occidental.

Ini ang public advisory sang tagdumalahan sang hospital matapos ang temporary suspension sa patients admission umpisa nagligad nga Enero 21, bangud nalab-ot na ang 70-bed capacity. 

Ginpahanumdum man sang hospital nga ang tanan nga mga pasyente ang ipaidalom sa proper screening sa admission procedures kag referral sa iban nga mga  government hospitals.

Ini nga hospital ang isa lamang sa tatlo ka mga bululngan sa Negros Occidental nga ginadumalahan sang local government unit.

Ang duha amo ang Calatrava District Hospital kag Vicente Gustilo District Hospital sa syudad sang Escalante.

Samtang  ang 9 ka mga district hospitals ang ginadumalahan naman sang gobyerno probinsiyal. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

PASTRANA NAGKLARO NGA INDI MATUOD NGA IMBOLBADO SA DROGA ANG PULIS NGA NALAKIP SA 22 KA NGALAN NGA GINAAKUSAR

Ginkumpirmar ni Captain Jonito Pastrana, hepe sang Police Station 2, nga isa ka ngalan sang pulis nga alyas RR ang nalakip sa listahan nga gina akusar nga konektado sa droga.

Madumduman, ang alyas nga RR ang nalakip sa 22 ka mga ngalan nga gina akusahan nga pusher ukon protektor sang droga nga nakita kaupod sa duha ka utod nga kamot sa Purok Kagaykay, Barangay 2.

Suno kay Pastrana, iya ginakabig nga labugay lamang ang listahan bangud iya personal nga kilala si RR nga sadto corporal ang ranggo kag karon na promote bilang Staff Sergeant.

Ginpahayag sang hepe, nga bisan ang mga kaupdanan nga pulis ni RR ang makahatag sang testimoniya nga indi ini imbolbado sa iligal nga droga.

Ginkumpirmar ni Pastrana nga si RR karon ang naga schooling kag nakadakop sang tatlo ka drug personality nga nalakip man sa amo nga listahan.

Samtang, wala na sang may nagdugang nga persona nga yara man sa listahan ang nagdangop sa Barangay kag Police Station 2.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.