MENU

62 KA MGA SOLDADO SANG 62ND IB GINHATAGAN SANG MILITARY MERIT AWARD

  • at 10:34 pm
Share on facebook
Share on pinterest
Share on twitter
Share on print

Ginpasidunggan sang military merit medal ang 62 ka mga soldado nga katapo sang 62nd Infantry Battalion sa Barangay Libas, banwa sang Isabela Negros Occidental.

Ang medalya ang ginhatag sang 3rd Infantry Division sa pagpamuno ni Major General Benedict Arevalo, Commander sang 303rd Infantry Brigade bangud sa kaisog sang mga soldado sa tion sang engkwentro nga nagluntad humalin sa bulan sang Nobyembre 2022 tubtub Enero 2023 kun sa diin naka rekober man ang tropa sang militar sang mga armas.

Lakip nga nakabaton sang pasidungog ang apat ka military officers nga nay yara tag tatlo ka medalya, kag 58 ka enlisted personnel naman ang naka baton sang tag duha ka military merit medal.

Ginakomendar man ni Arevalo ang mga militar bangud sa ila paghimakas kag dedikasyon sa kada operasyon agud maangkon ang katawhayan sa Western kag Central Visayas. | Aksyon Zil Menardo

What’s your Reaction?
+1
0
+1
0
+1
0
+1
0
+1
0
+1
0
+1
0

29.9M NGA DROGA GINSUNOG SANG PDEA-NOCPPO

December 6, 2023

Naglab-ot sa masobra P29,908,000 nga balor sang shabu nga nagabug-at sang masobra 4,346 gramo kag masobra P226,000 nga balor sang marijuana nagabug-at sang masobra 1,358 gramo ang ginsunog sang PDEA-NOCPPO sa Acropolis Gardens, Brgy. Bata, syudad sang Bacolod ala 1 sang hapon, Disyembre 6, 2023.

Ang mga ilegal nga droga ang nakumpiskar sang PDEA sa syudad sang Bacolod kag sa pila ka lugar sa probinsya sang Negros Occidental.

Suno kay PDEA 6 Assistant Regional Director 2 Marjorie Ballesteros, ang mga illegal drugs ang kabahin sang mga drug cases gikan sa nagkalain-lain nga mga korte sa Bacolod kag Negros Occidental sa nakaligad nga mga tinuig kag ginmandu sang korte ang disposal .

Ginklaro ni Ballesteros nga antes pa sunogon ang mga droga nadesisyonan na ang mga kaso sang nagkaladakpan sa korte.

Dugang pa, isa sa tinutuyo sa pagsunog agud malikawan ang mga alegasyon nga gina-recycle sang otoridad ang ilegal nga droga.

What’s your Reaction?
+1
0
+1
0
+1
0
+1
0
+1
0
+1
0
+1
0

KAP ALCANTARA LUYAG MAKASAPOL ANG ALKALDE MATAPOS GIN ISYU NA ANG NOTICE TO VACATE

December 6, 2023

Ginpahayag ni Barangay 12 punong Barangay JR Alcantara nga liwat pa sila maga-istorya kay Bacolod City Mayor Albee Benitez sa pihak nga ginhatagan nalang ang mga residente sg tubtob Enero 8, 2024 nga maghalin sa lugar.

Suno kay Alcantara, nagalaum sila nga sa pihak nga ginpapanaugan na sang notice to vacate pahanugutan sang alkalde ang ila pangabay nga patapuson ang anum ka bulan antes sila maghalin.

Dugang pa, subong nga adlaw makadto si Alcantara sa Bacolod Housing Authority para hibaluon kon ngaa sa 50 ka mga apektado nga residente, 32 lang ang kwalipikado para sa relocation site kag mahingyo sa alkalde nga mabuligan ang mga residente nga financial assistance lang ang mabaton kag wala sang sayluhan.

Tinguhaan man sang barangay nga makahatag sila sang dugang nga bulig sa mga apektado nga residente.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.