MENU

72 KA DEPEKTIBO NGA KILOHAN SA MERKADO SA CADIZ, GINPANGGUBA

  • at 9:30 pm
Share on facebook
Share on pinterest
Share on twitter
Share on print
(Cadiz LGU Photo)
(Cadiz LGU Photo)

Naglab-ot sa 72 ka depektibo nga kilohan sa merkado sa syudad sang Cadiz ang ginpangguba subong nga adlaw, bilang pagtinguha sang lokal nga gobyerno sang syudad nga maproteksyunan ang mga bumalakal batok sa mga nagapangdaya sa kilo nga mga negosyante.

Sa interview sa Aksyon Firing Line, ginpahayag ni Cadiz City Mayor Salvador Escalante nga binulan man ang monitoring sang syudad kasunod sang madamo nga reklamo sa wala na nagasanto’ nga kilo sang ila ginabakal kaangay sang karne kag iban pa.

Gintawag naman ni Escalante nga alarming ang kadamuon sang nakumpiskar nga depektibo nga mga kilohan kag nanawagan sa mga negosyante nga untaton na ang pangpangdaya tungod magapadayon ang syudad agod matapna ang mga ini.

Ang tikang sang syudad may kaangtanan sa ginaselebrar subong nga bulan nga Consumer’s Welfare Month. | Aksyon Ann Defensor-Lisay | via Firing Line | October 4, 2022

What’s your Reaction?
+1
0
+1
0
+1
0
+1
0
+1
0
+1
0
+1
0

COUNCILOR SAYSON MAY PAATHAG SA 35M NGA PONDO SANG SAFETY SEAL ORDINANCE

September 25, 2023

Ginpahayag ni Councilor Jude Thaddeus Sayson, chair sang committee on finance and appropriation, nga ‘budgetary requirement’ lamang ang 35 milyones pesos nga pondo sa pagpatuman sang Safety Seal Ordinance sang LGU.

Ini ang gin aprubahan nga ordinansa sang konseho sa tuyo nga malikawan ang pagpameke sang dokumento magluwas pa sa ginabutang nga QR code.

Sa press conference, Lunes, ginpahayag ni Sayson, indi lamang isa ka tranche ang pagpatuman sang 35 milyones pesos kundi depende sa available nga pondo sang syudad.

Suno kay Sayson, income-generating man ang ordinansa kag mabawi man sang LGU ang ginusar nga pondo bangud baklon sang publiko ang safety seal.

Una na nga ginpahayag ni Councilor Al Victor Espino, author sang ordinansa, nga 50 pesos ang balor sang safety seal.

Ginpaathag ni Sayson, nga nag adapt lamang ang LGU sa sini nga ordinansa bangud ang safety seal ang ginapatuman naman sang gobyerno nasyunal kaangay sang DILG.

Suno pa sa Konsehal, masiguro sang publiko nga authentic ang dokumento kon ini ang may safety seal nga indi masunod kag indi magisi.

What’s your Reaction?
+1
0
+1
0
+1
0
+1
0
+1
0
+1
0
+1
0

MAYOR ALBEE, BUKAS MAGBATON REKLAMO KONTRA KONDUKTOR UKON DRIVER SANG MODERNIZED JEEP

September 25, 2023

Bukas si Mayor Albee Benitez nga magbaton sang reklamo batuk sa mga konduktor kag driver sang modernized jeep sa syudad sang Bacolod.

Ini matapos nga damlag lang may pila pa ka mga reklamo nga ginapost ang netizen sa social media batuk sa konduktor sang modernized jeep.

Sa press conference, Lunes, ginpahayag ni Benitez, sa tion nga may reklamo, magahimo sang tikang ang syudad paagi sa pagpatawag sa tag-iya sang mga kooperatiba.

Nagpangabay si benitez sa mga kooperatiba nga magpatigayon sang orientation kag training sa mga drivers kag konduktor bangud requirement ini sa ila franchise agreement.

Nagligad nga semana, sang ginpatawag ni Benitez ang tag-iya sang RSJ Lines nga may Homesite- Central Market nga ruta matapos ang body shaming incident sang ila konduktor sa isa ka pasahero.

Ang alkalde ang may programa nga ‘Isugid kay Mayor’ ukon pwede makareklamo ang publiko paagi sa QR Code.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.