78 KA PAMILYA NAG EVACUATE MATAPOS ANG ENKWENTRO SA ESCALANTE

Share on facebook
Share on pinterest
Share on twitter
Share on print

Nagdangat na sa 302 ka mga indibidwal ukon 78 ka mga pamilya ang nag-evacuate padulong sa Pinapugasan National High School kasunod sang enkwentro nga nagluntad sa Sitio Manlusao, Brgy. Pinapugasan syudad sang Escalante.

Suno kay Kapitan Edgar Rapana, nag-umpisa nga magbiya sa ila mga puluy-an ang mga evacuees las 6 kagab-e. Ang mga evacuees ang naga-istar malapit sa bukid kun sa diin nagaluntad ang enkwentro.

Pagpahayag ni Rapana makabalik lamang ang mga residente kun maghatag na sang pahanugot ang mga militar.

Sila ang ginhatagan naman sang food packs sang lokal nga panguluhan sa syudad sang Escalante. Samtang, bangud sa nagluntad nga enkwentro, kanselado ang JS Prom sang Pinapugasan National High School.

What’s your Reaction?
+1
0
+1
0
+1
0
+1
0
+1
0
+1
0
+1
0

ALBEE: BACIWA-PRIMEWATER INDI MABATYAGAN ANG BULIG SA WATER RATIONING SA MGA BARANGAY

Ginpakamalaot ni Bacolod Mayor Albee Benitez ang Baciwa-Primewater nga wala nagabulig sa water rationing nga ginahimo sang syudad sa mga Barangay.

Sa press conference, Lunes, ginpahayag ni Benitez, ang paghatag sang tubig karon sa mga Barangay nga wala sang suplay ang ginahimo pa sang pribado nga sektor kaangay sang Chamber kag Amity, nga indi man nila trabaho.

Suno sa Alkalde, indi karon makit-an ang bulig kag suporta sang Baciwa Primewater karon nga may yara sang krisis sa tubig sa syudad.

Sa sini nga water rationing, nagabulig man ang Manila Water, Red Cross kag opisina ni Councilor Cindy Rojas. | Albee Benitez Photo/FB

What’s your Reaction?
+1
0
+1
0
+1
0
+1
0
+1
0
+1
0
+1
0

LAPSAG SA NEG OCC GINBAWIAN KABUHI BANGUD SA PERTUSSIS

Nakarekord ang Negros Occidental sang isa ka patay bangud sa pertussis disease.

Suno kay Provincial Health Officer Dr. Ma. Girlie Pinongan, napatay ang bata nga pasyente samtang naka-admit sa Doña Corazon Locsin Montelibano Memorial Regional Hospital nagligad nga semana, antis mag-gwa ang resulta sa specimen laboratory examination.

Dugang ni Pinongan, may kabug-usan na nga lima ka mga kaso ang probinsiya, lakip na ang pasyente nga napatay, lima ka mga specimen nga nag-negatibo kag 26 nga probable cases.

Ginklaro ni Pinongan nga kontrolado sa gihapon ang kaso, kag nagalaum nga indi na magdamo pa samtang ginahulat ang pag-abot sang Pentavalent vaccines.

Ginpanugyan ni Pinongan sa mga ginikanan nga indi na pagdal-on sa mga matawo nga lugar ang kabataan, agud indi madapuan sang amo nga masakit.

Pinakatigulang nga pasyente sang pertussis disease sa Negros Occidental, ang naga-edad sang 62 anyos.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.