Masobra P95 milyones sang shabu kag marijuana ang ginsunog sang Destruction of Dangerous Drugs sang Philippine Drug Enforcement Agency (PDEA) 6 sa Acropolis Garden, Barangay Bata, syudad sang Bacolod las 2 sang hapon, Hunyo 24.
Suno kay PDEA Region VI Director Alex Tablate, 11.7 ka kilo ang shabu kag 12 kilos naman sang Marijuana nga kalakip sa ginsunog.
Dugang pa ni Tablate, ang shabu nakumpiskar sa nagkalain lain nga operasyon sa mga Barangay sa syudad sang Bacolod, syudad sang San Carlos kag syudad sang Iloilo halin 2009 tubtub 2022.
Ginakabig ni Tablate nga pinakadako ini nga ila ginsunog sa Western Visayas.
Samtang, ginhingyo ni Tablate sang suporta kag kooperasyon sang publiko, media kag Local Government Unit sa ila kampanya batok illegal nga droga. | Aksyon Zil Menardo
