ACCOUNTANT, GINDAKOP MATAPOS SERBIHAN SANG WARRANT OF ARREST SA KASO NGA 67 COUNTS SANG QUALIFIED THEFT

Share on facebook
Share on pinterest
Share on twitter
Share on print

Nadakpan ang isa ka lalaki nga may kaso nga 67 counts sang qualified theft matapos serbihan sang warrant of arrest sa Crossing Sawmill, Brgy. Himogaan Baybay, siudad sang Sagay, Negros Occidental takna ala 1:22 sang hapon, Hwebes, Setyembre 22,2022. 

Ginkilala ang nadakpan kay Jacob Garcia, 24 anyos, residente sang nasambit nga lugar.

Ang operasyon ang ginpatigayon sang Intel and Warrant Section sang Sagay Police Station sa pagpanguna ni PSSG Jess Arnado.

Ang pagdakop sa suspek ang paagi sa warrant of arrest nga gin isyu ni Hon. Leoncio Ragay Bancoro, Presiding judge sang Regional Trial Court (RTC) branch 41, sa siudad sang Dumaguete Negros Oriental.

Nagtalana ang korte sang Php 30,000 nga pyansa sa kada kaso ukon masobra 2 milyones pesos nga pyansa para sa temporaryo nga kahilwayan sang nadakpan.

Ginpahayag ni Garcia, ang kaso ang angut sa gin file sa iya sang gintrabahuan sadto sa Amlan, Negros Oriental.

Sa interview ni Aksyon Roger Gutib, gin-ako sang suspek nga may ginkuha ini sa kompaniya nga iya gintrabahuan bilang accountant.

Ginpahayag sang suspek, nga gina akusar siya nga nagkuha sang 2.1 million pesos pero indi niya mapalayag nga nakuha niya ang bug-os nga kantidad.

Wala man sang ideya si Garcia nga 67 counts sang qualified theft ang iya ginapangatubang nga kaso.

Plano sang Sagay PNP nga sayluhon si Garcia sa Negros Oriental.

What’s your Reaction?
+1
1
+1
0
+1
0
+1
0
+1
0
+1
1
+1
2

GOV LACSON WALA SANG MAY NAKIT-AN NGA PROBLEMA SA GINADUSO NGA NEGROS ISLAND REGION KON SIN-O MAN ANG GOBERNADOR SA NEGROS ORIENTAL

Wala sang nakit-an nga problema si Negros Occidental Governor Bong Lacson kun sin-o man ang magapungko nga gobernador sa Negros Oriental, sa ginaduso nga pagbuhi sang Negros Island Region (NIR).

Ini ang ginpahayag ni Lacson sa opisyal nga pagdeklarar kay Roel Degamo bilang nagdaug nga gobernador sa Negros Oriental nagligad nga eleksyon kontra sa malapit nga kasumpong sini nga si Pryde Henry Teves.

Suno kay Lacson handa ang League of Provinces of the Philippines (LPP) sa pagsuporta sa sin-o man nga gobernador sang Negros Oriental.

Dugang pa ni Lacson, dapat lang nga batunon ang anu man nga desisyon sang Comelec ukon korte suprema sa pagkilala sang matuod-tuod nga nagdaug nga kandidato.

Suno kay Lacson nga sang ginpatigayon ang 2nd LPP General Assembly sa syudad sang Koronadal South Cotabato nagligad nga Setyembre 30, isa si Teves sa mga gobernador nga nagtambong kag nag-aprobar sang iya ginpamangkot kun kamusta na ang estado sang NIR.

Nagasalig si Lacson nga suportahan sa gihapon ni Degamo ang pagbuhi sa NIR bangud nagserbe man ini bilang gobernador sang Negros Oriental sang magsugod ang operasyon sang rehiyon sadtong 2015 tubtub 2017.

Nagligad nga Lunes, gindeklarar sang Comelec si Degamo nga amo ang nagdaug sa Negros Oriental gubernatorial race nagligad nga May 2022 elections. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

1,387 KA PULIS SA PRO-6 MAGA AUGMENT SA BCPO PARA SA MASSKARA 2022

Kapin 1,387 ka kapulisan gikan sa nagkalain-lain nga units sang Police Regional Office (PRO)-6 ang natalana nga i-augment sa Bacolod City Police Office (BCPO) sa palaabuton nga inadlaw.

Ini man ang magadugang sa security force sang BCPO bangud sang nagapadayon nga Masskara Festival 2022.

Suno kay Police Major Mary Grace Socorro Borio, Spokesperson sang PRO-6, gin-desisyonan sa pagsinapol kahapon (Oktubre 3) nga tungaon sa tatlo ka batch ang pagpadala sang augmentation sa BCPO agud indi man maapektuhan ang trabaho sa iban nga units sang PRO-6.

Dugang pa ni Borio, sa 1,387 nga natalana i-augment; 1,345 diri ang mga Police Non-Commissioned Officers (PNCOs) samtang 42 naman ang Police Commissioned Officers (PCOs).

Kalabanan sa mga kuhaon nga PNCOs amo ang mga bag-o nagtapos sang ila nga training.

Target sang PRO-6 nga malambot ang 2,229 nga PNP personnel requirement basi sa security plan para sa Masskara Festival 2022.

Ginklaro naman ni Borio nga kalakip na sa 1,387 nga augmentation ang ipadala sang Negros Occidental Police Provincial Office (NOCPPO). | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.