ACT-NEGROS NAGA SUPORTA NGA IPAIWAY ANG KLASE KON WALA SANG COVID-19 MASS TESTING

Share on facebook
Share on google
Share on pinterest
Share on twitter
Share on print
(Philstar.com Photo | Photo From Web)

Naga suporta ang Alliance of Concerned Teachers ukon ACT-Negros sa pag paiway sa pagbukas sang klase kon wala sang Covid-19 mass testing.

Suno kay ACT-Negros President Gualberto Dajao, dako ang risgo nga atubangon kon ma-expose ang mga kabataan nga wala sang kasiguraduhan nga safe sila sa eskwelahan.

Dugang pa ni Dajao, may mga report man sa iban nga pungsod kaangay sa China kag Sweden nga nag balik na sa klase, pero nag ginuha ang bag-o nga Covid-19 cases.

Gina abi-abi ni Dajao ang mga tikang sang mga opisyal nga naga panawagan sa gobyerno nasyunal nga ipaiway ang pag bukas sang klase.

Suno pa kay Dajao, indi ma masiguro nga masunod ang mga health protocol kaangay sang physical distancing ilabi na sa mga hubin nga estudyante.

Para kay Dajao, sa idalum sang new normal, dapat masiguro ang safety sang kabataan kag mga manunudlo.

Gina lantaw man ni Dajao nga wala pa na-anad ang mga manunudlo sa online teaching.

Una nga gin anunsyo ni DepEd Secretary Leonor Briones nga sa Agusto 24 maga bukas ang klase sa Pilipinas. | Aksyon Dale Salazar

KAPIN 2K KA BACOLODNON NAKA AVAIL SANG DOLE-TUPAD PROGRAM HUMALIN ENERO TUBTOB HUNYO 2021

Kapin 2,000 na ka mga Bacolodnon ang nangin benepisyaryo sang Emergency Employment Assistance Program/DOLE-TUPAD Program humalin Enero tubtob Hunyo 2021.

Suno kay Congressman Greg Gasataya, nagsumiter na sila sang suhestyon sa DOLE sa mga Barangay nga ipatuman ang ini nga programa para sa kapin 3,000 ka mga Bacolodnon para sa bulan sang Hulyo tubtob Septembre 2021.

Ini nga programa ang para sa mga disadvantaged ukon displaced workers nga magatrabaho sa Barangay sa sulod sang 10 ka adlaw kag magabaton sang 3,950.

Ginpaathag ni Gasataya nga ila trabaho nga masiguro nga may yara sang pondo para sa mga benipesyaryo samtang ang Barangay amo ang magapili bangud sila ang mas nakahibalo kon sin-o ang nagakinahanglan.

Subong nga adlaw, Hulyo 28, nagbaton sang tig-3,950 ang mga benepisyaryo sang DOLE Tupad Program sa Barangays 37, 21 kag 40.

LALAKI NAKUHAAN SANG 170K NGA BALOR SANG GINAPATIHAN DROGA

Nakuha ang 170,000 mil nga balor sang shabu ang narekober sang Bacolod City Police Office City Drug Enforcement Unit ukon CDEU sa Barangay 40 syudad sang Bacolod.

Ang suspetsado ginkilala kay Erwin Toledo, 36 anyos kag pumuloyo sang Purok Amalez uno Barangay 40 syudad sang Bacolod.

Si Toledo ang nadakpan sa buy-bust operation sa pagpamuno ni CDEU head Police Lt. Edward Bolivar.

Suno kay Bolivar, isa ka bulan ang ila surveillance kay Toledo antis madakpan nga ginakabig nga Street Level Individual.

Dugang pa ni Bolivar, natultolan nila ang ginakuhaan ni Toledo sang shabu nga amo karon ang subject sang ila follow-up operation.

Ginpasaka na sang CDEU ang kaso nga paglapas sang Comprehensive Drug Act of 2002 batok sa nadakpan. | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.