MENU

AMAY, DAKOP SANG MAKUHAAN ARMAS KAG GRANADA SA BAGO CITY

  • at 8:53 pm
Share on facebook
Share on pinterest
Share on twitter
Share on print

Magapangatubang sang duha ka kaso ang isa ka amay matapos nakuhaan sang armas kag granada sa iya puloy-an sa Purok Najaba, Barangay Bacong syudad sang Bago, Nobiembre 19.

Ang naarestu ginkilala kay Arnel Amar Sr kag residente sang amo nga lugar.

Suno kay PCapt. Hanzel Lumandaz, DCOP sang Bago City PNP, si Amar ang ginreklamo sang pila ka mga pumoloyo sa lugar bangod sa pagpamahog.

Dugang pa ni Lumandaz, paagi sa search warrant nga gin-issue ni Executive Judge Mary Jenifer Protasio-Arches, nasulod ang balay ni Amar kag narekober ang (1) isa ka unit sang hand grenade kag (1) isa pa ka unit .357 magnum revolver nga may 6 pa ka mga bala.

Si Amar ang nahunong sa custodial facility sang Bago City PNP samtang ginahanda na ang kaso nga paghupot sang ilegal nga armas kag eksplosibo.

What’s your Reaction?
+1
1
+1
0
+1
0
+1
0
+1
0
+1
0
+1
0

5.4B NGA BUDGET SANG PROBINSYA SA 2024, APRUBADO NA

December 6, 2023

Pinal na nga gin-aprubahan sang Sanguniang Panlalawigan (SP) ang P5.4 billyones pesos nga annual budget sang Negros Occidental para sa 2024.

Suno kay SP committee on finance chairman First District Board Member Rommel Debulgado nga sa sini nga budget, P5, 244, 603, 544 ang para sa General Fund kag ang nabilin nga P190,041,156 ang para sa Economic Enterprise Develeopment Department (EEDD).

Dugang pa ni Debulgado, 5.66% ang saka sang tuigan nga pondo sa 2024, ikomparar sa P5.1 billion nga budget subong nga 2023.

Ini bangud sa pagbalik saka sa ‘share’ sang probinsiya sa National Tax Allotment (NTA).

Subong nga 2023, nagnubo sa P780 million ukon 12.87% ang annual budget sang probinsiya bangud sa pagbuhin sa NTA sang mga local government units.

Ang pagbuhin sa 2023 nga NTA nga nagpanubo man sa tax collection, ang resulta sang Covid-19 pandemic sang 2020.

What’s your Reaction?
+1
0
+1
0
+1
0
+1
0
+1
0
+1
0
+1
0

BACOLOD GINKILALA NGA 2ND RUNNER-UP SA LOCAL LEGISLATIVE AWARDS 2023

December 6, 2023

Ginkilala ang Sangguniang Panlungsod sa syudad sang Bacolod bilang 2nd runner-up sa Local Legislative Awards 2023 para sa highly-urbanized category nationwide.

Ginbaton ni Vice Mayor El Cid Familiaran ang pasidungog kaupod ang pila ka mga konsehal sang Bacolod sang Martes, Disyembre 5.

Ini nga pagkilala ang base sa programa sang DILG kaupod ang Philippine Councilors League.

Nangin kampeon para sa highly-urbanized category ang syudad sang Quezon samtang 1st runner-up ang syudad sang Mandaue.

Ginpahayag ni Familiaran, 2019 tubtob 2022 nga datus ang ginbasehan sa evaluation. Suno sa bise-alkalde, nalutos sang Bacolod ang 33 ka iban pa nga HUCs gikan sa iban nga rehiyon.

Ginbasehan sa evaluation ang Responsiveness of the Legislative Agenda; Availability of Legislative Documents; Effectiveness and Efficiency of Performance of the Sanggunian; kag Legislative Citations and Awards and Capacity Development for Legislators and Staff.

Ginbaton sang Bacolod ang 50 mil pesos nga premyo. | Councilor Jason Villarosa Photos

What’s your Reaction?
+1
1
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.