AMAY PATAY SA AKSIDENTE SANG FATHER’S DAY

Share on facebook
Share on google
Share on pinterest
Share on twitter
Share on print

Kasubo ang pagsa-ulog sang father’s day sang isa ka pamilya, matapos mapatay ang amay sa aksidente sa San Rafael, Dos Hermanas, Syudad sang Talisay sang Domingo sang gab-i.

Ang napatay ginkilala kay Ronnie Pastor, 39 anyos, pamilyado kag pilason ang angkas sini nga ginkilala kay Christopher Gustilo, 25 anyos, soltero tanan nagapuyo sa amo man nga Barangay.

Suno kay P/Lt. Peter Ramos, Officer In-Charge sang Talisay PNP, ang mga biktima sakay sa motorsiklo kag aksidente nga natumba. 

Naka-angkon sang malubha nga pilas sa ulo si Pastor rasun sang iya kamatayon, samtang padayon ginabulong sa hospital si Gustilo. 

Dugang ni Ramos, naka-inom sang makahulobog nga ilimnon ang biktima kag wala sang helmet.  

Gina-usisa pa sang otoridad kun diin ang padulong sang duha sa amo sina nga mga oras.  | Aksyon Bryan Morden

DOH MAGAPATIGAYON SANG SITE INSPECTION SA POSIBLE PATUKURAN SANG BACOLOD GENERAL HOSPITAL

Magapadulong ang DOH sa syudad sang Bacolod para sa site inspection sa lugar nga posible pagatukuran sang Bacolod General Hospital.

Ini matapos nga damlag lang, ginpabalo sang DOH si Congressman Greg Gasataya nga ginlakip na sang Department of Budget and Management ukon DBM ang pondo para sa pag tukod sang hospital sa 2022 National Expenditure Program.

Suno kay Gasataya, tinalikdan nga semana sang ginpabalo siya sang DOH nga luyag nga magpadulong sa Bacolod para sa site inspection pero wala pa sang pat-od nga petsa.

Nagpangabay man si Gasataya sa DPWH kag DOH nga mag himo sang perspective sang hospital bilang preparasyon sa natalana nga budget deliberation sang kongreso.

Suno sa Kongresista, indi pa niya mapalayag ang mga lugar nga posible tukuran sang hospital pero nagapabilin pa nga bukas sa tion nga may luyag pa nga magtanyag sang propedad.

NEGROS OCCIDENTAL NAKARECORD SANG MANUBO NGA ACTIVE COVID-19 CASES SANG ISA KA SEMANA

Isa ka semana nga nakarekord ang Negros Occidental sang sunod sunod nga pagnubo sa aktibo nga kaso sang coronavirus disease (COVID-19).

Sa datos sang Provincial Incident Management Team (PIMT), nag umpisa ang pagnubo sang Hulyo 21, 2021 sa diin ang kaso naglab-ot sa 1,613 halin sa 1,623 sang Hulyo 20.

Ini ang nagpadayon sa sulod sang pito ka adlaw tubtub nga nangin 1,349 na lamang sang Hulyo 27.

Ginpahayag ni Provincial Administrator Atty. Rayfrando Diaz II, nagnubo naman ang occupancy rate sang mga district hospital sa probinsiya.

Nagapati si Diaz nga resulta ini sang mass vaccination nga ginpatigayon kontra COVID-19. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.