MENU

ANAY BACOLOD COUNCILOR BATAPA-SIGUE MAGASERBE NGA DICT UNDERSECRETARY

  • at 5:43 pm
Share on facebook
Share on pinterest
Share on twitter
Share on print
[DICT Director Emmy Lou Versoza-Delfin Photo]

Gin kalipay ni anay Bacolod City Councilor Atty. Jocelle Batapa-Sigue ang pagsalig nga gin hatag sang gobiyerno nasyunal matapos nga ini ang nagpanumpa subong nga adlaw bilang Undersecretary sang Department of Information and Communications Technology ukon DICT.  

Gin pahayag ni Sigue nga ang iya pagpungko sa amo nga posisyon ang isa ka oportunidad agud mapadayon sini ang iya madugay na nga adbokasiya.

Dugang pa ni Sigue, paagi sa iya pagpungko bilang kabahin na sang amo nga talatapan, handum sini nga mas madamo pa nga trabaho ang ila mahatag sa pumuluyo indi lamang sa mga Bacolodnon kundi sa bilog nga pungsod.

Gin pasalamatan man sini ang tanan nga mga indibidwal nga sadto pa naghatag na sang suporta sa iya adbokasiya, nga amo man ang nangin rason kon nga-a iya nalab-ot ini nga posisyon. | Aksyon Art Tayhopon

What’s your Reaction?
+1
0
+1
0
+1
0
+1
1
+1
0
+1
0
+1
0

ANUM NGA NAPATAY SA ENKWENTRO GINAANGUT SA KRIMEN SA PROBINSYA

September 25, 2023

Gin alegar sang militar nga may kahilabtanan sa anom ka krimen sa Southern Negros ang anom ka napatay sa engkwentro sa syudad sang Kabanklan sadtong Hwebes sang gab-i, Setyembre 21.

Suno kay Lt. Col. Jayjay Javines, Civic Military Officer sang 3rd Infantry Division sang Philippine Army, madugay na nga gina-monitor sang militar si Alejo Delos Santos Alyas Peter bangod ini ang ginatudlo lider sang armado nga grupo nga nagpatay sa pila ka tropa sang militar sa Cauayan kag Sipalay.

Paathag ni Javines nga ginatudlo ang anom ka napatay nga may kahimuan sa pagsunog sang backhoe kag pagluthang sa duha ka militar sa Barangay Camindangan, syudad sang Sipalay sadtong bulan sang Marso kag Nobyembre 2022.

Subong man, gin alegar nga ang grupo man ni Delos Reyes ang nag-ambush sa duha ka soldado sa Barangay Yaoyao, banwa sang Cauayan sang Abril 2021.

Palayag pa ni Javines, indi na mapanginwala sang mga rebelde ang nasambit nga mga krimen tungod ang ila pag-ako naka-post sa ila official website.

What’s your Reaction?
+1
0
+1
0
+1
0
+1
0
+1
0
+1
0
+1
0

COUNCILOR SAYSON MAY PAATHAG SA 35M NGA PONDO SANG SAFETY SEAL ORDINANCE

September 25, 2023

Ginpahayag ni Councilor Jude Thaddeus Sayson, chair sang committee on finance and appropriation, nga ‘budgetary requirement’ lamang ang 35 milyones pesos nga pondo sa pagpatuman sang Safety Seal Ordinance sang LGU.

Ini ang gin aprubahan nga ordinansa sang konseho sa tuyo nga malikawan ang pagpameke sang dokumento magluwas pa sa ginabutang nga QR code.

Sa press conference, Lunes, ginpahayag ni Sayson, indi lamang isa ka tranche ang pagpatuman sang 35 milyones pesos kundi depende sa available nga pondo sang syudad.

Suno kay Sayson, income-generating man ang ordinansa kag mabawi man sang LGU ang ginusar nga pondo bangud baklon sang publiko ang safety seal.

Una na nga ginpahayag ni Councilor Al Victor Espino, author sang ordinansa, nga 50 pesos ang balor sang safety seal.

Ginpaathag ni Sayson, nga nag adapt lamang ang LGU sa sini nga ordinansa bangud ang safety seal ang ginapatuman naman sang gobyerno nasyunal kaangay sang DILG.

Suno pa sa Konsehal, masiguro sang publiko nga authentic ang dokumento kon ini ang may safety seal nga indi masunod kag indi magisi.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.