ANAY BISE ALKALDE SANG TOBOSO KAG DUHA KA IBAN PA GIN SERBIHAN WARRANT OF ARREST

Share on facebook
Share on pinterest
Share on twitter
Share on print

Arestado ang anay bise alkalde sa banwa sang Toboso kag duha ka iban pa matapos serbihan sang warrant of arrest sa kaso nga Malversation of Public Funds or Property: Presumption of Malversation(RPC Art. 217), Malversation thru Falsification of Public Documents nga may P72,000 pesos nga piyansa ang kada isa sa ila.

Ang mga nadakpan amo sanday anay Vice Mayor Jessie Rex Bartolome, Roy Mariquit kag Nathalie Dawn Hiponia samtang, boluntaryo nga nagsungka si Stephanie Carol Dumdum sang mahibaluan nga kalakip ang iya ngalan sa warrant of arrest.

Sa interview sang Aksyon Radyo Bacolod, ginpahayag ni Police Major Jun Ray Batadlan, Officer –in-charge sang Toboso PNP, ang kaso may angot sa gin alegar pila ka indibidwal nga ginlista ang ngalan bilang mga Job Order nga likom sa ila ihibalo kag wala man sang nabaton nga sweldo.

Suno kay Batadlan, isa ka pribado nga indibidwal ang nagpasaka sang kaso kag ila lamang gin serbe ang warrant.

Nakapiyansa si Bartolome apang nagapabilin naman sa custodial facility sang Toboso PNP ang tatlo pa ka akusado. | Aksyon Ann Defensor via Aksyon Firing Line

What’s your Reaction?
+1
1
+1
0
+1
2
+1
0
+1
0
+1
0
+1
0

72 KA DEPEKTIBO NGA KILOHAN SA MERKADO SA CADIZ, GINPANGGUBA

Naglab-ot sa 72 ka depektibo nga kilohan sa merkado sa syudad sang Cadiz ang ginpangguba subong nga adlaw, bilang pagtinguha sang lokal nga gobyerno sang syudad nga maproteksyunan ang mga bumalakal batok sa mga nagapangdaya sa kilo nga mga negosyante.

Sa interview sa Aksyon Firing Line, ginpahayag ni Cadiz City Mayor Salvador Escalante nga binulan man ang monitoring sang syudad kasunod sang madamo nga reklamo sa wala na nagasanto’ nga kilo sang ila ginabakal kaangay sang karne kag iban pa.

Gintawag naman ni Escalante nga alarming ang kadamuon sang nakumpiskar nga depektibo nga mga kilohan kag nanawagan sa mga negosyante nga untaton na ang pangpangdaya tungod magapadayon ang syudad agod matapna ang mga ini.

Ang tikang sang syudad may kaangtanan sa ginaselebrar subong nga bulan nga Consumer’s Welfare Month. | Aksyon Ann Defensor-Lisay | via Firing Line | October 4, 2022

What’s your Reaction?
+1
0
+1
0
+1
0
+1
0
+1
0
+1
0
+1
0

NAPULO KA WATER REFILLING STATIONS SA E.B MAGALONA WALA SANG SANITARY KAG BUSINESS PERMITS

10 sa 37 ka mga naga-operate nga Water Refilling Station sa banwa sang EB Magalona ang wala sang sanitary kag business permit.

Sa interview sa Aksyon Hotline, ginpahayag ni EB Magalona Mayor Marvin Malacon nga temporaryo niya ginpasira ang napulo ka mga water refilling station nga samtang naga-proceso pa sang ila dokumento.

Suno kay Malacon, nagpatigayon sila kahapon sang pagsinapol upod sa mga tag-iya sang water refilling station sa ila nga banwa kag didto ginpanugyan sa owners ang ila pagahimuon nga tikang agud masiguro nga matinlo ang ila ginabaligya nga tubig.

Nahibaloan, ang banwa sang EB Magalona ang naka-record sang isa ka kaso sang Cholera sa diin naka-rekober na man ang pasyente.| Aksyon Dorel Cabatu via Aksyon Hotline

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.