MENU

ANAY PRESO GINTIRO, PATAY

  • at 9:20 pm
Share on facebook
Share on pinterest
Share on twitter
Share on print

Patay ang anay preso matapos nga gintiro sang riding-in-tandem suspects sa St. Martin Subdivision, Barangay 21, syudad sang Victorias takna las 11 kaina sang aga, Sabado.

Ginkilala ang biktima nga si Eric Detoyato, 38 anyos, residente sang nasambit nga lugar.

Ang biktima ang sakay sa tricycle sang natabo ang pagpaniro.

Suno kay Lt. Col. Eduardo Corpuz, hepe sang Victorias PNP, narekober nila sa crime scene ang apat ka empty shell sang kalibre 45 nga armas luthang.

Ginhingagaw dala ang biktima sa Kaayong Lawas pero gindeklarar nga dead on arrival.

Sa inisyal nga impormasyon ni Corpuz, ang biktima ang sadto na preso bangud sa iligal nga droga kag naka gwa matapos naka avail sang plea bargaining agreement.

Padayon pa ang imbestigasyon sang Victorias PNP kag natalana pa nga usisaon kon may CCTV sa lugar sang insidente.

What’s your Reaction?
+1
0
+1
0
+1
0
+1
0
+1
0
+1
0
+1
0

GROUNDBREAKING CEREMONY SANG NAYON PANUBLI-ON HOUSING PROJECT SA ISABELA, GINPATIGAYON

April 19, 2024

Ginpatigayon ang groundbreaking ceremony sa Nayon Panubli-on Housing Project sa Brgy. 9 banwa sang Isabela, Negros Occidental Byernes sang aga Abril 19, 2024.

Ang seremonya ginpamunuan ni Municipal Mayor Irene Montilla, kag iban pa nga mga opisyal sang gobyerno.

Suno sa alkalde, ini nga proyekto ang makabenepisyo sa mga residente sang banwa nga miyembro sang Home Development Mutual Fund (HDMF) ukon Pag-IBIG.

Suno kay Montilla, indi lamang puluy-an ang patukuron sa lugar, kundi pahamtangan man sang merkado, bagsakan center, food storage, basketball court kag transportation terminal.

Ginklaro sang alkalde nga wala sang gastuhon ang banwa, kundi ang developer nga Homeworld Construction nga amo ang magapatukod sang proyekto sa masobra 6 ka hektarya nga propeidad nga gindonar sang munisipalidad. Magluwas sa mga balay, patukuron man ang Central Philippine State University, Isabela National High School, PNP-Special Action Force, Technical Education and Skills Development Authority, kag evacuation center.

Target nga maumpisahan ang development sa lugar sa bulan sang Mayo ukon Hunyo subong nga tuig.

What’s your Reaction?
+1
0
+1
0
+1
0
+1
0
+1
0
+1
0
+1
0

PAGDEKLARAR SANG STATE OF CALAMITY SA NEG OCC, GINPANGABAY SANG UNIFED

April 19, 2024

Gin-apelar ni United Sugar Producers Federation (Unifed) President Manuel Lamata, kay Governor Bong Lacson , Vice Governor Jeffrey Ferrer kag mga Provincial Board Members nga magdeklarar sang state of calamity sa Negros Occidental.

Suno kay Lamata, isa ini sa mga pamaagi para makabakal sang kaugalingon nga eroplano ang gobyerno probinsiyal agud usaron sa cloud seeding operations.

Dugang ni Lamata, nga nagakinahanglan na subong sang tubig ang mga katubuhuan nga apektado sang El Niño phenomenon.

Una diri ginpangabay ni Fifth District Cong. Dino Yulo ang Bureau of Soil and Water Management (BSWM) nga i-reassess ang ila desisyon nga nagapamatuk sa cloud seeding bangud sa kakulang sang seedable clouds kag posible kahalitan sa mga kapahuan sa San Carlos kag Guimaras.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.