ANOM KA BARANGAY SA PROBINSYA KAG BACOLOD NATALANA IPAIDALUM SA DELIBERASYON SA DRUG CLEARING PROGRAM

Share on facebook
Share on pinterest
Share on twitter
Share on print

Ginahanda na sang Philippine Drug Enforcement Agency ukon PDEA Negros Occidental ang pila ka mga barangay sa probinsya para sa Regional Oversight Committee deliberation nga natalana sa katapusan nga semana sa bulan sang Nobyembre.

Suno kay PDEA Negros Occ. provincial officer Jyx Escrupolo, masobra bente ka mga barangay sa probinsya ang nagsumiter sang ila intensyon para sa Barangay Drug Clearing Program apang sa onsight validation, (5) lima lamang ang naka comply sa mga requirement.

Ginpahayag man ni Escrupolo nga dire sa syudad sang Bacolod, igapaidalum man sa deliberasyon ang Barangay 41 matapos nakumpleto ang mga requirement basi sa pagsulundan sang ila ahensya.

Madumduman nga sa 61 ka mga barangay sa syudad sang Bacolod, 13 pa lamang ang nadeklarar nga drug-free barangay. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

GRUPO GINAKWESTYON ANG GINADUSO NGA MAHARLIKA INVESTMENT FUND

Ginpahayag ni Bacolod City Public School Teacher’s Federation President Richard Gelangre nga indi acceptable ang ginaduso sa karun sang Marcos administration nga Maharlika Investment Fund (MIF).

Sa interview sa Aksyon Hotline, ginpahayag ni Gelangre nga, indi ini mabatunan sang publiko bangud ang pondo para sa MIF ang pagakuhaon sa mga social fund kaangay na lamang sang SSS kag GSIS.

Suno kay Gelangre, maayo man ini nga programa kun indi magahalin sa social fund ang pagakinahanglanon nga pondo para sa MIF.

Gin-kwestyon pa ni Gelangre nga kun ano matabo inkaso maputo ang amu nga programa.

Nahibaloan, ginaduso sang Marcos administration ang paghimo sang MIF.

Ang Maharlika Investment Fund ang isa ka independent fund nga tuyo ma-generate ang revenue sang gobyerno paagi sa investments sa real kag financial assets. | Aksyon Dorel Cabatu

What’s your Reaction?
+1
0
+1
0
+1
0
+1
0
+1
0
+1
0
+1
0

HIGH SCHOOL STUDENT DAKOP MATAPOS MABAKLAN SANG MARIJUANA SA BUY-BUST

Nakumpiskar ang tatlo ka plastic sachets sang marijuana isa ka high school student matapos positibo nga mabaklan pinaagi sa drug buy-bust operation sang Bacolod City Police Station 9 sa Prk.San Luis, Brgy.Sum-ag syudad sang Bacolod, Martes.

Ang nadakpan ang ginkilala kay Jeremy Lumanog, 19 anyos , ginakabig bilang isa ka street level individual (SLI) kag residente sang Prk. Proper , Brgy. Tabunan syudad sang Bago.

Narekober sa suspek ang 15.50 gramos sang ginapatihan marijuana kag nagabalor sang 2,000 pesos.

Suno kay Police Lieutenant Rondyl Tapang, hepe sang Police Station 9, nga nakabaton sila sang impormasyon nga si Lumanog ang nagabaligya sa kapareho man sini nga estudyante.

Palayag ni Tapang nga ila man hibaluon kung sa diin nagakuha sang supply si Lumanog .

Priso ang suspek sa Police Station 9. | Aksyon Zil Menardo

What’s your Reaction?
+1
0
+1
0
+1
1
+1
0
+1
0
+1
0
+1
1

MORE STORIES:

LIKE US ON FACEBOOK

error: Ooops... You are not authorized to copy this content.