ANOM KA GINAPATIHAN MIEMBRO SANG ‘BUDOL-BUDOL’ NADAKPAN SA SYUDAD SANG CANLAON

Share on facebook
Share on pinterest
Share on twitter
Share on print

Arestado ang anom ka mga ginasuspetsuhan miembro sang “Budol-Budol” sa Barangay Binalbagan syudad sang Canlaon sadtong Enero 15 las 6:30 sang gab-e.

Ang mga nadakpan ang ginkilala nga sanday Andres Maasin Jr., 39 anyos sang Cagayan de Oro City, Judelyn Domingo, 42 anyos kag Rose Ann Montes, 27 anyos nga pareho residente sang Caloocan City; Jerelle Natividad, 37 anyos kag Carlota Franco, 54 anyos sang Tondo, Manila kag Jovie Villareal, 38 anyos sang Malabon City.

Suno kay Police Lt. Col. Rolando Lavisto, hepe sang Canlaon City PNP, nadakpan ang anum matapos nagprenda sang peke nga alahas sa duha ka pawnshop sa syudad sang Canlaon.

Pagpahayag ni Lavisto, matuod nga gold ang coating sang mga alahas nga ginaprenda sang grupo apang peke naman ang unod sini.

Nakilal-an ang mga suspek matapos mabilin ang ID sang isa sa anum kag nadakpan pinaagi sa entrapment operation.

Kapin 70 mil pesos ang bili sang alahas nga nakuha sang mga suspek sa duha ka mga pawnshop.

Nagapanawagan si Lavisto sa iban pa nga mga posible nabiktima sang mga suspek nga magpakig-angut sa kapulisan agud mapasaka ang dugang nga kaso bangud suno sa hepe ang kaso nga swindling nga ginpasaka sa anum ang bailable kag kun makapyasan mahimo sila nga temporaryo makagwa sa prisuhan.

Nahibaloan man sang kapulisan nga antis nagpadulong sa syudad sang Canlaon, nagtinir sa syudad sang San Carlos sa probinsya sang Negros Occidental ang mga suspetsado.

Nagapati ang kapulisan sa Canlaon nga sa isa ka dako nga grupo ang mga suspek.

Suno kay Lavisto, may service nga Toyota Avanza ang mga suspek sang gindakop sang PNP kag bastante man ang ila nga pundo.

Sa monitoring sang kapulisan, nahibaloan nga antis magpadulong sa isla sang Negros may nabiktima naman nga mga persona ang grupo nanday Maasin sa probinsya sang Cebu.

Sa karun, ginahibalo pa sang kapulisan ang dugang nga background sang mga suspetsado. | NORPPO Photos | Aksyon John Diaz

What’s your Reaction?
+1
3
+1
0
+1
0
+1
2
+1
0
+1
0
+1
0

HOSPITAL SA SAGAY BALIK NA SA PAGBATON SANG ADMISYON SA MGA PASYENTE

Balik na ang pagbaton sang admisyon sa mga pasyente ang Alfredo E. Marañon Sr. Memorial District Hospital (AEMSMDH) sa syudad sang Sagay Negros Occidental.

Ini ang public advisory sang tagdumalahan sang hospital matapos ang temporary suspension sa patients admission umpisa nagligad nga Enero 21, bangud nalab-ot na ang 70-bed capacity. 

Ginpahanumdum man sang hospital nga ang tanan nga mga pasyente ang ipaidalom sa proper screening sa admission procedures kag referral sa iban nga mga  government hospitals.

Ini nga hospital ang isa lamang sa tatlo ka mga bululngan sa Negros Occidental nga ginadumalahan sang local government unit.

Ang duha amo ang Calatrava District Hospital kag Vicente Gustilo District Hospital sa syudad sang Escalante.

Samtang  ang 9 ka mga district hospitals ang ginadumalahan naman sang gobyerno probinsiyal. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.