APAT KA EMPLEYADO SANG OPA NGA MAY DISMISSAL ORDER GINHATAGAN TUBTOB ENERO 19 PARA MAG FILE SANG MR

Share on facebook
Share on pinterest
Share on twitter
Share on print

Ginhatagan sang tubtub Enero 19, 2023 nga deadline ang apat ka mga personnel sang  Negros Occidental Office of the Provincial Agriculturist (OPA), agud makasumiter sang motion for reconsideration ukon apelasyon sa dismissal order nga ginpapanaug sang Provincial Legal Office (PLO).

Suno kay Provincial Legal Officer Atty. Alberto Nellas Jr., ang motion  igasumiter kay Governor Bong Lacson bilang disciplining authority samtang sa Civil Service Commission (CSC) naman ang apelasyon.

Ginklaro ni Nellas nga ini ang duha sa mga options nga pwede pilian sang mga ginpang dismiss,s antis ikonsiderar nga pinal ang  amo nga desisyon.

Ginserbe  ang dismissal order sang Enero 4, 2023 sa mga OPA personnel nga sanday Engineers German Abihay, Ramelo Letran, Rezin Palacios, kag  Project Development Assistant Maria Luisa Abaño, bangud sa kaso nga grave misconduct.

Ini may kaangtanan sa reklamo nga misused of government-owned vehicle kag pag-inom sang makahulubog samtang yara sa official travel  sang Hulyo 15, 2022. 

Dugang pa ni Nellas, ang ikalima nga gin-akusahan nga si  Engineer Jimbo Garsula, ang padayon nga ginapaidalom sa formal investigation kag  hearing. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

HOSPITAL SA SAGAY BALIK NA SA PAGBATON SANG ADMISYON SA MGA PASYENTE

Balik na ang pagbaton sang admisyon sa mga pasyente ang Alfredo E. Marañon Sr. Memorial District Hospital (AEMSMDH) sa syudad sang Sagay Negros Occidental.

Ini ang public advisory sang tagdumalahan sang hospital matapos ang temporary suspension sa patients admission umpisa nagligad nga Enero 21, bangud nalab-ot na ang 70-bed capacity. 

Ginpahanumdum man sang hospital nga ang tanan nga mga pasyente ang ipaidalom sa proper screening sa admission procedures kag referral sa iban nga mga  government hospitals.

Ini nga hospital ang isa lamang sa tatlo ka mga bululngan sa Negros Occidental nga ginadumalahan sang local government unit.

Ang duha amo ang Calatrava District Hospital kag Vicente Gustilo District Hospital sa syudad sang Escalante.

Samtang  ang 9 ka mga district hospitals ang ginadumalahan naman sang gobyerno probinsiyal. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

PASTRANA NAGKLARO NGA INDI MATUOD NGA IMBOLBADO SA DROGA ANG PULIS NGA NALAKIP SA 22 KA NGALAN NGA GINAAKUSAR

Ginkumpirmar ni Captain Jonito Pastrana, hepe sang Police Station 2, nga isa ka ngalan sang pulis nga alyas RR ang nalakip sa listahan nga gina akusar nga konektado sa droga.

Madumduman, ang alyas nga RR ang nalakip sa 22 ka mga ngalan nga gina akusahan nga pusher ukon protektor sang droga nga nakita kaupod sa duha ka utod nga kamot sa Purok Kagaykay, Barangay 2.

Suno kay Pastrana, iya ginakabig nga labugay lamang ang listahan bangud iya personal nga kilala si RR nga sadto corporal ang ranggo kag karon na promote bilang Staff Sergeant.

Ginpahayag sang hepe, nga bisan ang mga kaupdanan nga pulis ni RR ang makahatag sang testimoniya nga indi ini imbolbado sa iligal nga droga.

Ginkumpirmar ni Pastrana nga si RR karon ang naga schooling kag nakadakop sang tatlo ka drug personality nga nalakip man sa amo nga listahan.

Samtang, wala na sang may nagdugang nga persona nga yara man sa listahan ang nagdangop sa Barangay kag Police Station 2.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.