MENU

APAT KA TERMINATED EMPLOYEES NAGSUMITER SANG MOTION FOR RECONSIDERATION

  • at 4:03 pm
Share on facebook
Share on pinterest
Share on twitter
Share on print

Nagsumiter sang Motion for Reconsideration (MR) ang apat ka mga ‘ terminated employees’ sang Office of the Provincial Agriculturist (OPA) sang Negros Occidental bangud sa kaso nga grave misconduct.

Suno kay Provincial Legal Officer Atty. Alberto Nellas Jr., ang MR ginsumiter kay Governor Bong Lacson nga amo ang disciplining authority nagligad nga Enero 13, kag gilayon nga gindesisyonan sa sulod sang lima ka adlaw.

Dugang pa ni Nellas ginserbe na subong nga adlaw sa apat ang desisyon sa mosyon.

Ginklaro ni Nellas nga basi sa pagsulundan sang Civil Service Commission (CSC), pwede sa gihapon ang mga ini nga maka-apelar sa (CSC) Western Visayas, bisan anu man ang desisyon sa ila nga mosyon.

Ang apat amo sanday Engineers German Abihay, Ramelo Letran, Rezin Palacios, kag Project Development Assistant (PDA) Maria Luisa Abano. Una nga ginpapanaugan sang 60-day preventive suspension ang apat, bangud sa reklamo nga misused of government owned vehicle kag pag-inom sang makahulubog samtang yara sa official trip sa syudad sang Victorias sang Hulyo 15 nagligad nga tuig. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

PASTRANA NAGKLARO NGA INDI MATUOD NGA IMBOLBADO SA DROGA ANG PULIS NGA NALAKIP SA 22 KA NGALAN NGA GINAAKUSAR

January 28, 2023

Ginkumpirmar ni Captain Jonito Pastrana, hepe sang Police Station 2, nga isa ka ngalan sang pulis nga alyas RR ang nalakip sa listahan nga gina akusar nga konektado sa droga.

Madumduman, ang alyas nga RR ang nalakip sa 22 ka mga ngalan nga gina akusahan nga pusher ukon protektor sang droga nga nakita kaupod sa duha ka utod nga kamot sa Purok Kagaykay, Barangay 2.

Suno kay Pastrana, iya ginakabig nga labugay lamang ang listahan bangud iya personal nga kilala si RR nga sadto corporal ang ranggo kag karon na promote bilang Staff Sergeant.

Ginpahayag sang hepe, nga bisan ang mga kaupdanan nga pulis ni RR ang makahatag sang testimoniya nga indi ini imbolbado sa iligal nga droga.

Ginkumpirmar ni Pastrana nga si RR karon ang naga schooling kag nakadakop sang tatlo ka drug personality nga nalakip man sa amo nga listahan.

Samtang, wala na sang may nagdugang nga persona nga yara man sa listahan ang nagdangop sa Barangay kag Police Station 2.

What’s your Reaction?
+1
0
+1
0
+1
0
+1
0
+1
0
+1
0
+1
0

KABANKALAN PNP BLANGKO PA SA SUSPEK SA PAGPATAY SA DUHA KA LALAKI

January 28, 2023

Blangko pa Kabankalan City PNP sa identity sang suspetsado sa pagpatay sa mag-abyan nga sanday Erwin Colorado kag sa 16 anyos nga soltero matapos makapila ka beses nga ginbuno tubtub napatay Byernes nga adlaw, sa Purok Pili, Brgy 6, syudad sang Kabankalan.

Suno kay PCapt Dennis Melgarejo, deputy Chief of Police sang Kabankalan PNP nga sa inisyal nga pagpangusisa, antis natabo ang insidente, ulihi nga nakaupod sang duha ka mga biktima ang isa pa nila ka abyan nga karon ginakonsiderar nga person of interest.

Dugang pa ni Melgarejo, wala na sa barangay Biniquil ang abyan sang mga biktima matapos natabo ang pagpatay.

Ginpahayag man Melgarejo nga sa ikaduha nga tion, liwat naman napaslawan ang kapulisan matapos wala naabtan kagab-i sa banwa sang Isabela ang ila person of interest nga ginapatihan nagpalagyo pila lamang agwat antes ang pag abot sang kapulisan.

Nagapabilin nga blanko sa motibo sa pagpatay. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.