APAT NADAKPAN SA DRUG BUST SA HIMAMAYLAN

Share on facebook
Share on pinterest
Share on twitter
Share on print

Nakahunong sa karon sa prisuhan ang apat ka mga suspetsado matapos nadakpan sa drug buy-bust operation sa Sitio Ubay Brgy. Caradio-an syudad sang Himamaylan, pasado las 6 sang gab-e, Lunes, Disyembre 4.

Ginkilala ang mga nadakpan nga sanday DarwinCabardo, 47 anyos, isa ka High Value Individual, samtang lunsay ginakabig nga Street Level Individual sanday Florenz Jordan, 19 anyos, Leency Tabujara, 30-anyos kag Jade Jordan, 22anyos.

Suno kay Police Captain Arturo Margallo, Deputy Chief of Police sang Himamaylan City PNP, si Cabardo ang Top 9 sang Himamaylan PNP kag nakuhaan sang shabu, isa ka pin gun kag duha ka live ammunitions sang cal. 45.

Nagabug-at sang 10 gramo kag nagabalor sang 68 mil pesos ang narekober nga shabu.

Si Cabardo ang magapangatubang kaso sa paglapas sang Section 5 kag 11 paghupot kag pagbaligya sang illegal nga droga sang RA 9165 kag paglapas sang R.A 10591 ilegal nga paghupot sang armas luthang samtang ang iya tatlo ka abyan ang magapangatubang naman sang kaso sang Section 11 sang R.A 9165 ukon Comprehensive Dangerous Drugs Act of 2002.

What’s your Reaction?
+1
0
+1
0
+1
0
+1
0
+1
0
+1
0
+1
0

PAGTUKOD SANG ISTRAKTURA SA DANGER AREAS SA SINGCANG-AIRPORT, GINADILIAN

Ginadilian na ang pagtukod sang balay ukon istraktura sa Barangay Singcang-Airport sa mga ginakabig danger areas, public land ukon private land nga wala sang pahanugut sa gobyerno.

Ini ang base sa Barangay Ordinance nga gin aprubahan sang Singcang-Airport council.

Base sa facebook post ni kapitan Atty. Caesar Distrito, cover sang ordinansa ang mga danger areas kaangay sang baybay, kilid sang suba, kilid ukon sa babaw sang mga kanal, drainage, creek, estero, dalan, pathway, footwalk, ukon ano man nga public land ukon private land nga wala sang permiso sang barangay.

Ginpaathag ni Distrito, kinahanglan una nga magpangayo sang clearance halin sa Barangay antes magpakay-o ukon magpatindog sang istraktura.

Suno sa Kapitan, ang mga nasambit nga balay ukon istraktura amo ang nagabalabag nga ginatunaan sang pagbaha kag nagabutang sa peligro sang tawo.

Ginatugyan ni Distrito sa mga opisyales sang purok ang pagbantay kag mag report kon may illegal structure sa ila nga lugar.

Magapapanaug ang Barangay sang notice to stop kag pagkakas sang illegal structure kon may bayolasyon, kag kon indi makakas sa sulod sang 24 oras, ang Barangay na ang maguba sang istraktura.

What’s your Reaction?
+1
0
+1
0
+1
0
+1
0
+1
0
+1
0
+1
0

BANGKAY NGA NASAPWAN SA BARANGAY TACULING, NAKILALA NA

Ginkumpimar ni PCapt. Dax Santillan, hepe sang BCPO Police Station 6, nga nakilala na ang bangkay sang isa ka call center agent matapos nasapwan nga wala na sang kabuhi sang Sabado, Pebrero 24 sa corner Circon st Corazon Aquino Drive, Barangay Taculing, syudad sang Bacolod.

Suno kay Santillan, ang biktima ginkilala kay Michael Johann Christian Persey, 29 anyos kag residente sang Repullo St. Barangay 5, syudad sang Kabankalan.

Dugang pa ni Santillan, nagpadulong sa opisina sang Police station #6 ang iloy ni Persey kag positibo nga ginkilala sini ang iya bata matapos nagpadulong sa Morgue sang Bacolod Adventist Medical Center.

Ginapahayag man ni Santillan nga nagpamalibad ang iloy sang biktima nga ipaidalum pa sa autopsy ang bangkay ni Persey sa tuyo kon tani nga hibaluon ang “cause of death” sini sa baylo gindala na lamang ang bangkay sang biktima sa syudad sang Kabankalan.

Sa karon blangko pa ag mga kapulisan sa pagkilala sa suspek kag kung ano ang gingamit sa pagpatay.

Madumduman, alas 5:15 sang aga sadtong adlaw sang Sabado, nasapwan ang patay nga lawas ni Persey sa kilid sang dalan nga may pilas sa dughan kag tangkugo.

What’s your Reaction?
+1
0
+1
0
+1
0
+1
0
+1
0
+1
1
+1
0

MORE STORIES:

LIKE US ON FACEBOOK

error: Ooops... You are not authorized to copy this content.