Apat ka persona ang nadakpan sa sunod sunod buy-bust operations sang Police Station 2, 4 kag Police Station 7.
Una nadakpan sang Police Station 4 si Ana Marie Soquiño, 57 anyos sang Purok Cereza 2 Brgy. 27 syudad sang Bacolod.
Narekober kay Soquiño ang kinse gramo sang shabu nga may Standard Drug Price nga 102 mil pesos.
Nadakpan man sang Police Station 7 si Roberto Sarillo, 22 anyos sang Purok Roadside Barangay Alijis syudad sang Bacolod.
Si Sarillo ang nadakpan sa Bangga Metal Barangay Alijis sa diin narekober sa iya ang walo ka gramo sang shabu nga may Standard Drug Price nga 54 mil pesos.
Samtang nadakpan naman sang Police Station 2 sanday Jason Miag-ao, 26 anyos sang Purok Coca-Cola Barangay 7 syudad sang Bacolod kag Reynold De Guzman, 41 anyos pumuloyo sang Purok Balunggay Barangay Zone 3 banwa sang Murcia.
Si Miag-ao kag De Guzman nadakpan sa Purok Kagaykay Barangay 2 syudad sang Bacolod sa diin narekober sa ila ang lima ka gramo sang shabu nga may Standard Drug Price nga 34 mil pesos. | Aksyon Eric Magbanua