‘APHRODITE’ NAKUHAAN SANG 108K NGA BALOR SANG DROGA SA BINALBAGAN

Posted by: News Desk
| November 22, 2022
at 9:57 pm

Nakumpiskar sang Philippine Drug Enforcement Agency (PDEA) kag Binalbagan PNP ang P108, 000.00 sang ginasuspetsuhan shabu sa buy bust operation kahapon, Nobyembre 21 sa Sitio Serena, Brgy. Enclaro, banwa sang Binalbagan.

Ginkilala ang nadakpan sa kay Aphrodite Song, 38 anyos nga nakuhaan sang walo tanan ka mga small kag medium elongated nga mga transparent plastic sachet sang ginasuspetsuhan shabu, duha ka mga 500 pesos kag iban pa nga mga drug paraphernalia.

Subong nga adlaw, gintalana nga pasakaan si Song sang paglapas sa section 5 kag 11 ukon paghupot kag pagbaligya sang illegal nga droga sa idalom sang R.A 9165.

Si Song nagapabilin sa custodial facility sang Binalbagan PNP. | Aksyon VJ Apacible

What’s your Reaction?

NOCPPO IPATUMAN ANG REVISED MEDIA RELATIONS POLICY

September 25, 2023

Ipatuman sang Negros Occidental Police Provincial Office (NOCPPO) ang Revised Media Relations Policy.

Suno kay Negros Occidental Police Provincial Office (NOCPPO) Spokesperson Police Captain Judesses Catalogo, sa sini nga polisa pagadili-an na ang direkta nga paghatag sang kapulisan sa ngalan sang mga imbolbado sa krimen.

Dugang pa ni Catalogo, kinahanglan magkuha sang permiso ang katapo sang media sa hepe ukon sa gindesignar nga Freedom of Information (FOI) Officer, sa pagkuha sang ngalan sang biktima kag suspetsado bisan pa nga nadakpan.

Palayag pa ni Catalogo, sa bag-o nga polisa may kinamatarong ang hepe nga ibasura ang request sang media.

Apang ginklaro naman ni Catalogo nga mahimo naman nga direkta nga mahatag sang kapulisan ang ngalan sang maaresto nga mga wanted person.

Setyembre 11 sang ginpapanaug ang memorandum sa implementasyon sang bag-o nga media relations policy nga gina-aligar konektado sa Data Privacy Act kag basi sa PNP Freedom of Information Manual.

What’s your Reaction?

COUNCILOR SAYSON MAY PAATHAG SA 35M NGA PONDO SANG SAFETY SEAL ORDINANCE

September 25, 2023

Ginpahayag ni Councilor Jude Thaddeus Sayson, chair sang committee on finance and appropriation, nga ‘budgetary requirement’ lamang ang 35 milyones pesos nga pondo sa pagpatuman sang Safety Seal Ordinance sang LGU.

Ini ang gin aprubahan nga ordinansa sang konseho sa tuyo nga malikawan ang pagpameke sang dokumento magluwas pa sa ginabutang nga QR code.

Sa press conference, Lunes, ginpahayag ni Sayson, indi lamang isa ka tranche ang pagpatuman sang 35 milyones pesos kundi depende sa available nga pondo sang syudad.

Suno kay Sayson, income-generating man ang ordinansa kag mabawi man sang LGU ang ginusar nga pondo bangud baklon sang publiko ang safety seal.

Una na nga ginpahayag ni Councilor Al Victor Espino, author sang ordinansa, nga 50 pesos ang balor sang safety seal.

Ginpaathag ni Sayson, nga nag adapt lamang ang LGU sa sini nga ordinansa bangud ang safety seal ang ginapatuman naman sang gobyerno nasyunal kaangay sang DILG.

Suno pa sa Konsehal, masiguro sang publiko nga authentic ang dokumento kon ini ang may safety seal nga indi masunod kag indi magisi.

What’s your Reaction?

MENU

‘APHRODITE’ NAKUHAAN SANG 108K NGA BALOR SANG DROGA SA BINALBAGAN

NOCPPO IPATUMAN ANG REVISED MEDIA RELATIONS POLICY

COUNCILOR SAYSON MAY PAATHAG SA 35M NGA PONDO SANG SAFETY SEAL ORDINANCE

MORE STORIES:

51 BARANGAYS SA PROBINSYA GINDEKLARAR ‘ELECTION AREAS OF CONCERN’ SANG RJSCC

ANUM NGA NAPATAY SA ENKWENTRO GINAANGUT SA KRIMEN SA PROBINSYA

FISH VENDORS NGA WALA NAGABUTAN SA RAFFLE, PANGITAAN SANG PWESTO

MASOBRA 2K KA PULIS MAGAHATAG SEGURIDAD SA MASSKARA 2023

BCPO MAY PROPOSED SECURITY PLAN NA PARA SA BSKE 2023

MILITAR BUKAS SA IMBESTIGASYON SANG CHR SA ENKWENTRO SA KABANKALAN

TATLO KA NPA GIN-REPORT NGA NAPATAY SA ENGKWENTRO SA KABANKALAN

VENUE SANG PROBINSYA PARA SA MASSKARA, APRUBADO NA NI GOV. LACSON

LIKE US ON FACEBOOK