ATTY. ESPIRITU NAGPASIGURO NGA BULIGAN ANG 56 KA MGA EMPLEYADO NGA BIKTIMA SANG MASS TERMINATION

Share on facebook
Share on google
Share on pinterest
Share on twitter
Share on print

Nagapanawagan ang masobra 50 ka mga empleyado nga nagaserbi sa Tanduay Bottle Sorters warehouse, Zone 15, syudad sang Talisay sa pamunuan sang Talisay Logistic Packaging Corporation (TLPC) nga ibalik na sila sa obra.

Suno kay Regina Moleño, Presidente sang Tanso-Super union of employees, ginpahalin sa trabaho ang 56 ka mga impleyado matapos ginsuspeder tinalikdan nga Mayo 13 tubtub June 13, 2022.

Ginpahayag man ni Moleño nga nag-agi sa legal nga proseso ang paghimo sang “actual strike” bangod  kay wala sang resulta ang paghinun-anon sang ila hanay kag management.

Ginakabig man ni Moleño, nga isa ka union busting kag unfair labor practices ang ginhimo sa ila sang pamunuan sang TLPC.

Panawagan sang amo nga grupo sa management ibalik na sila sa regular nga trabaho, kakason na ang 4 ka adlaw nga duty sa baylo ibalik sa 6 ka adlaw nga duty sa kada semana.

Nagaplano si  Atty Luke Espiritu, National President sang Buklurang Manggagawang Pilipino (BMP) nga magpakigsapol sa pamunuan sang Talisay Logistic Packaging Corporation kag National Conciliation and Mediation Board, (NCMB-DOLE) agud istoryahan ang posible solusyon sa problema.

Suno kay Espiritu, 56 ka mga empleyado ang biktima sang mass termination matapos nagporma sang unyon nga magaserbi kon tani proteksyon sa ila.

Nagpasalig man si Espiritu nga maresolbar ang problema sa tunga sang mga ginkakas nga impleyado kag management sa handum nga liwat makabalik sa obra.  | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI NASAPWAN PATAY SA SULOD SANG FISH POND MATAPOS MAKURYENTE

(San Carlos PNP Photo)

Nasapwan nga patay ang isa ka lalaki sa sulod sang Tanchan fish pond sa Barangay Guadalupe, syudad sang San Carlos las 5 kaina sang kaagahon, Hunyo 28.

Ang napatay ang ginkilala kay Julian Duroca, 43 anyos sang Sitio Kalubihan, Barangay Guadalupe, sa amo man nga syudad.

Suno kay Police Master Sergeant Jose Sanny Boy Algarme, mahimo plano ni Duroca nga magkuha sang isda bangud ini ang may dala nga pukot.

Dugang pa ni Algarme, bangud nga basa’ ang lawas ni Duroca nakuryente ini sa live wire nga nagasupply sang kuryente sa mga paddle wheel.

Nasunog ang likod ni Duroca nga gintunaan sang iya nga kamatayon. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI NGA GINAREKLAMO BANGUD SA PAGPANGAWAT, GINTIRO PATAY SA PALANCA ROAD, BACOLOD

Patay ang 37 anyos nga lalaki matapos ginluthang sa Palanca Road, Barangay 8, syudad sang Bacolod pasado las 3:30 kaina sang hapon, Martes.

Ang napatay ginkilala sa kay Mark Borbon Dicolongon kag residente sang Purok Woodstock, Barangay Tangub, syudad sang Bacolod.

Nakaagom sang pilas sa liog kag dughan si Dicolongon kag na-recover sa eksena sang insidente ang pila ka basiyo sang kalibre 45 nga armas luthang.

Sa interview sa Aksyon Radyo, ginpahayag ni Police Captain Paul Vincent Pendon, hepe sang Police Station 2, pagtimalos ang ginalantaw nga motibo sa pagpatay kay Dicolongon.

Nagapati si Pendon nga sa basurahan mismo gintiro si Dicolongon tungod sa nakit-an nga ilig pa sang dugo.

Isa naman ka gwardiya ang nakabati sang tatlo tubtub lima ka lupok kag sang ginlantaw, isa ka motorsiklo ang gikan sa lugar kag nagpadulong sa norte nga direksyon.

Naggwa sa imbestigasyon sang Police station 2 nga madugay na nga ginareklamo sa kaso sang pagpangawat ang biktima.

Suno sa hepe, base sa background ni Dicolongon, nga gin alegar sang mga tiyo kag tiya nga madugay na nila ginsaway ini nga mag untat na sa pagpangawat apang wala ini nagpamati.

Gin alegar man sang mga himata nga ang kada kinawatanan ni Dicolongon, iya ini ginabaligya kag ang benta, ginabakal naman sang shabu.

Dugang pa ni Pendon, madamo nga mga tagreklamo ang nagkilala kay Dicolongon nga amo ang suspetsado sa pagpangawat ilabi na sa mga driver sang truck nga naga-park sa BREDCO.

Gin ehemplo ni Pendon ang ginhimo ni Dicolongon nga pagpangawat sang Dominggo nga adlaw sa isa ka truck driver nga ginkuha ang bag nga may unod nga cellphone, 12,000 pesos kag tatlo ka mga dilargo.

Ini na ang ika-13 nga kaso sang pagpangluthang sa Bacolod subong nga Hunyo 2022. | Aksyon Ann Defensor, Aksyon Zil Menardo

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.