ATTY. LAPORE MAGASERBE NGA ACTING GM SANG CENECO

Share on facebook
Share on pinterest
Share on twitter
Share on print

Magaserbe bilang Acting General Manager sang Central Negros Electric Cooperative (CENECO) si Atty. Arnel Lapore.

Sa interview sa Aksyon Firingline, ginpahayag ni Lapore nga bwas nga adlaw, Hwebes may magakadto nga personnel sang National Electrification Administration (NEA) nga amo ang manguna sa iya pagpanumpa.

Angot sa mga prayuridad, ginpahayag ni Lapore nga target sini nga masolusyunan ang isyu sa mataas nga rates, ma-review ang kontrata, rason sang sunod-sunod nga brownout kag madasig nga pagproseso sang reconnection.

Nagalaom man si Lapore sa kooperasyon sang mga opisyal kag personel sang CENECO sa tuyo nga mapaayo ang serbisyo sang kooperatiba sa mga konsumidor. | Aksyon Ann Defensor-Lisay

What’s your Reaction?
+1
0
+1
0
+1
0
+1
0
+1
0
+1
0
+1
0

KABANKALAN PNP BLANGKO PA SA SUSPEK SA PAGPATAY SA DUHA KA LALAKI

Blangko pa Kabankalan City PNP sa identity sang suspetsado sa pagpatay sa mag-abyan nga sanday Erwin Colorado kag sa 16 anyos nga soltero matapos makapila ka beses nga ginbuno tubtub napatay Byernes nga adlaw, sa Purok Pili, Brgy 6, syudad sang Kabankalan.

Suno kay PCapt Dennis Melgarejo, deputy Chief of Police sang Kabankalan PNP nga sa inisyal nga pagpangusisa, antis natabo ang insidente, ulihi nga nakaupod sang duha ka mga biktima ang isa pa nila ka abyan nga karon ginakonsiderar nga person of interest.

Dugang pa ni Melgarejo, wala na sa barangay Biniquil ang abyan sang mga biktima matapos natabo ang pagpatay.

Ginpahayag man Melgarejo nga sa ikaduha nga tion, liwat naman napaslawan ang kapulisan matapos wala naabtan kagab-i sa banwa sang Isabela ang ila person of interest nga ginapatihan nagpalagyo pila lamang agwat antes ang pag abot sang kapulisan.

Nagapabilin nga blanko sa motibo sa pagpatay. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

HOSPITAL SA SAGAY BALIK NA SA PAGBATON SANG ADMISYON SA MGA PASYENTE

Balik na ang pagbaton sang admisyon sa mga pasyente ang Alfredo E. Marañon Sr. Memorial District Hospital (AEMSMDH) sa syudad sang Sagay Negros Occidental.

Ini ang public advisory sang tagdumalahan sang hospital matapos ang temporary suspension sa patients admission umpisa nagligad nga Enero 21, bangud nalab-ot na ang 70-bed capacity. 

Ginpahanumdum man sang hospital nga ang tanan nga mga pasyente ang ipaidalom sa proper screening sa admission procedures kag referral sa iban nga mga  government hospitals.

Ini nga hospital ang isa lamang sa tatlo ka mga bululngan sa Negros Occidental nga ginadumalahan sang local government unit.

Ang duha amo ang Calatrava District Hospital kag Vicente Gustilo District Hospital sa syudad sang Escalante.

Samtang  ang 9 ka mga district hospitals ang ginadumalahan naman sang gobyerno probinsiyal. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.