AUSTRALIAN NATIONAL KAG ISA KA BABAYE NADAKPAN MATAPOS GIN ALEGAR GINKIDNAP ANG DUHA KA MENOR DE EDAD

Share on facebook
Share on google
Share on pinterest
Share on twitter
Share on print
(BCPO Photo)

Mangatubang sg kaso nga kidnapping ang isa ka Australian national kag isa ka babayi matapos gin-alegar ginkidnap ang duha ka mga menor de edad sa  syudad sg Dumaguete kag gindala sa syudad sang Bacolod.

Suno kay Police Station 4 commander Major Jun Ray Batadlan , nag pakig-angot sa ila ang Dumaguete City Police Station matapos gin-alegar ginkidnap sang Dominggo nga adlaw, Hulyo 18  ni  Peter Lay, 39 anyos kag temporaryo naga istar sa Camelot Village, Barangay Estefania syudad sg Bacolod ang isa ka siyam kag tatlo ka tuig nga mga kabataan sa bulig sang ila yaya nga si Edlyn Gelantaga-an, 25 anyos. 

Dugang pa ni Batadlan, sa iya nahibaluan, nagpabulig kag gin tudlo ni Gelantaga-an ang hotel nga ginatiniran sang mag-iloy rason nga natultolan ni Lay kag ginkuha ang mga kabataan.

Nahibaluan, ang amay sg mga bata amo ang una nga live-in partner sang iloy samtang si Lay ang ikaduha nga live-in partner apang ginpalangga sini ang mga kabataan kag gin-alegar luyag makigbalik sa iloy rason nga ginkuha sini ang mga bata.

Si Lay kag Gelantaga-an ang priso karon sa custodial facility sg Dumaguete Police Station. | Aksyon Eden Aboso

ISA PATAY SA PAGBUNGGO SANG MOTORSIKLO SA TRUCK

Ginbawian sang kabuhi ang driver sang motorsiklo samtang pilason angkas sini sa aksidente nga nagluntad sa Sitio Bunacan, Barangay Salamanca, Banwa sang Toboso Domingo sang hapon.

Ang napatay ginkilala kay Rey Cansancio, 34 anyos nagapuyo sa Siito Bankerohan, ang pilason ginkilala kay Jimmy Mahilum, 61 anyos nagapuyo sa Sitio Tiguib, samtang ang suspetsado ginkilala naman kay Vincente Elmer Tiin, 53 anyos nagapuyo sa Crossing Salamanca sa amo nga Barangay.

Suno kay PCapt Paul Kenneth Magan, naglapaw sa kurbada nga bahin sang dalan ang ginamaniho nga motorsiklo sang napatay kag nasugata ang nagapadulong nga truck.

Dugang ni Magan, gin tinguhaan pa sang driver sang truck likawan ang motorsiklo, apang nalab-ot ini kag agkalatumba, rasun sa kamatayon ni Cansancio kag ginabulong sa hospital si Mahilum.

Yara naman sa kostudiya sang kapulisan si Tiin. | Aksyon Bryan Morden

NOCPPO GINPATINDUGAN BALAY ANG SENIOR CITIZEN SA LA CARLOTA

Indi matakos nga kalipay ang ginbatyag sang isa ka nga senior citizen matapos ginbag-o ang ila puloy-an sa Purok Uno, Barangay Nagasi, Syudad sang La Carlota.

Suno kay Negros Occidental Police Provincial Office ukon NOCPPO Deputy Spokesperson PLt Abegael Donasco, ang benepisyaryo ginkilala kay Elvisita Quiyo.

Dugang ni Donasco, upod ni Quiyo nga nagapuyo sa iya balay ang iya apo, matapos mapatas ang bana sang tinalikdan lng nga Abril.

Palayag sang Spokesperson ang puloy-an sang benepisyo daw marusdak na bangud sa madaan na nga mga dapat nga kahoy.

Naghimo sang inisiyatibo si PLtCol Jonel Guadalupe, hepe sang La Carlota PNP ng himoon ang amo nga proyekto sa idalum sang BARANGAYANIHAN.

Ini ang pinaka-una nga proyekto nga natigayon kag posible nga masundan pagid ini sa pala-abuton.

Ginpasalamatan man sa NOCPPO ang nagbulig sa amo nga mga proyekto. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.