Patay ang babaye nga nagamaneho sang motorsiklo sa aksidente sa access Road, Barangay Bagtik, syudad sang Silay subong nga gab-i, Lunes.
Ginakilala ang biktima nga si Marisol Wayong, 43, residente sang Barangay E. Lopez, Silay City.
Sa inisyal nga imbestigasyon sang Silay PNP, base sa mga saksi, ang motorsiklo ang gikan sa West padulong East samtang ang wing van ang gikan sa Norte padulong Sur sang natabo ang aksidente.
Ginpahayag sang isa ka saksi nga na interview sang Aksyon Radyo, gin alegar nakabungo ang motorsiklo sa sentro sang wing van, nga amo man ang naglapak sa biktima.
Nagpalagyo ang wing van matapos ang insidente.
Ang biktima ang nagasuksok sang helmet pero gin deklarar nga dead on the spot.