Nagapati si Bacolod City DRRMO head Dr. Ana Maria Laarni Pornan nga makadulot sang dugang nga inspirasyon kag encouragement para sa tanan nga mga empleyado sang iya talatapan ang damlag nabaton nga Gawad KALASAG Seal of Excellence Award sang iya opisina gikan sa gobyerno Nasyunal.
Suno kay Pornan, isa ang syudad sang Bacolod sa tatlo ka mga lugar sa Negros Occidental nga may Beyond Compliant nga record kon standard kag establishment sang Local Disaster Risk Reduction and Management Councils and Offices ang pagahambalan sa idalum sang Philippine Disaster Risk Reduction Management Act of 2010.
Dugang pa ni Pornan, ang Award nga nakuha sang syudad ang isa ka klaro nga indikasyon nga yara sa husto nga direksyon kag programa nga gina patuman ang iya talatapan.
Magluwas sa implementasyon sang disaster risk reduction and management program, kabahin man sang sistema nga gina basehan sang evaluation, amo ang climate change adaptation kag humanitarian assistance programs sang tagsa ka mga DRRMO. | Aksyon Art Tayhopon
