BACOLOD EOC GINAHULAT ANG REPORT SANG VACCINATION STATUS SANG MGA EMPLEYADO SANG SYUDAD

Share on facebook
Share on google
Share on pinterest
Share on twitter
Share on print

Ginahulat na lamang sang Bacolod Emergency Operation Center ang report sang tagsa ka mga departamento angut sa numero ukon kadamuon sang ila tagsa ka mga empleyado nga naka tapos na sa pagpabakuna sang COVID 19 vaccine.

Suno kay EOC Executive Director Em Ang, ini nga tikang ang kabahin man sang mando nga gin papanaug ni Mayor Bing Leonardia agud sa tuyo nga ma hibaluan ang aktwal nga estado sang mga empleyado sa syudad.

Dugang pa ni Ang, plano man sang EOC nga magpatigayon sang vaccination activity sa tagsa mismo ka mga opisina kon kinahanglanon para indi na ma tublag ang trabaho sang mga empleyado.

Sa pihak nga bahin, padayon man sa karon ang kampanya nga ila gina himo paagi sa bulig sang tagsa ka mga barangay bilang preparasyon sa natalana nga national vaccination drive masunod nga semana. | Aksyon Art Tayhopon

What’s your Reaction?
+1
0
+1
0
+1
0
+1
1
+1
0
+1
0
+1
0

KABANKALAN PNP NAGPATIGAYON SANG PEACE COVENANT SIGNING KAG INTERFAITH PRAYER

Nagpatigayon ang Kabankalan City Police Station sang Peace Covenant Signing and Interfaith Prayer para sa 2022 National and Local Elections nga ginhiwat sa compound sang Saint Francis Xavier Cathedral.

Suno kay PLt.Col. Raymond Cruz, ang aktibidad suportado ni Kabankalan City Election Officer Atty. Jan Anthony Saril, Philippine Army, religious sector kag mga kandidato sa amo nga syudad.

Dugang pa ni Cruz, tuyo sang aktibidad agod mapasiguro ang matawhay nga eleksyon.

Nagpirma man ang mga kandidato bilang respeto kag pagsunod sa pagsulundan. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

GOV LACSON NAGPOSITIBO SA COVID-19

Nagpositibo sa Covid-19 si Negros Occidental Governor Eugenio Jose Lacson.

Suno kay Negros Occidental Provincial Administrator Atty. Rayfrando Diaz ll, kaina sang aga gin-swab si Lacson kag nagwa ang resulta sini las 2:20 sang hapon.

Dugang ni Diaz, posible man nga ipaidalum sa contract tracing kag i-swab test ang body guards, staff kag driver sang gobernador nga masami naga-upod sa iya nga lakat.

Wala naman sang kabalak-an sa mga staff sang gobernador sa iya opisina, bangud umpisa sang Hwebes wala na ini makapalapit pa gikan sa mga lakat sini sa Sur nga bahin sang probinsiya, apang nagpasa gihapon sang ila ngalan sa Provincial Health Office.

Palayag pa ni Diaz, indi man magproblema ang naatubang sadto ni Lacson sa Sur sang Myerkules kag Hwebes, bangud nagpa-antigen test ini sa amo nga adlaw kag non-reactive ang resulta.

Wala man naka close contact ang gobernador sa iya pamilya.

Maga-isolate anay si Lacson, apang ginahibalo pa ni Diaz kun pila kaadlaw.

Ang maayo lang nga balita kay yara lang sa maayo nga kahimtang ang gobernador kag siya pa ang nagmaneho sang iya salakyan padulong sa Teresita Jalandoni Provincial Hospital sa syudad sang Silay kaina sang aga kag nagtahaw naman ang iya ubo. | Aksyon Bryan Morden

What’s your Reaction?
+1
0
+1
0
+1
0
+1
0
+1
0
+1
0
+1
1

MORE STORIES:

LIKE US ON FACEBOOK

error: Ooops... You are not authorized to copy this content.