Natalana nga mag sapol ang Bacolod Emergency Operations Center sa mga event organizer sa syudad sang Bacolod kasunod nga ginapaabot ang mga kahiwatan subong nga bulan sang Disyembre 2021.
Suno kay Dr. Chris Sorongon, deputy for medical sang Bacolod EOC, ang pagsinapol ang patigayunon subong nga semana pagkatapos sang tatlo ka adlaw nga national vaccination days.
Sa Hwebes ukon sa Biernes nga adlaw patigayunon ang pagsinapol.
Dugang pa ni Sorongon, ang mga event organizer ang dapat mangin responsable kag padyunon ang pagpahanumdom sa mga nagatambong sa kahiwatan sa pagsunod sa health protocol.
Nagapangabay si Sorongon nga kon mahimo limitahan ang mga bisita sa mga fully vaccinated sa mga kahiwatan kaangay sang kasal kag bunyag. Pero kon indi malikawan, suno kay Sorongon, nagsuhestyon