MENU

BACOLOD MAY 330, 621 VOTERS

  • at 10:07 pm
Share on facebook
Share on pinterest
Share on twitter
Share on print

Nagdangat sa 330,621 ang kabug-usan nga botante sa syudad sang Bacolod.

Suno kay Bacolod Election Officer Atty. Kathrina Trinio-Caña, sa amo nga Numero, 100 697 ang mga botante para sa Sangguniang Kabataan.

Sa SK voters, may 4,103 ka mga botante ang naga edad 15 tubtob 17 anyos. Suno kay Trinio-Caña, nakasumiter na ang ila opisina sang project of precinct para sa maabot nga Barangay kag SK elections.

Liwat nga ginpahayag ni Trinio-Caña nga nagasunod lamang sila sa Calendar of Activities sang Comelec apiesar sang panawagan nga ipaisaol ang piniliay sa Disyembre 2023.

Ginklaro man sini nga wala pa sang bag-o nga schedule sa filing sang certificate of candidacy nga gintalana sa Oktubre 6 tubtob 13, 2022.

What’s your Reaction?
+1
0
+1
0
+1
0
+1
0
+1
0
+1
0
+1
0

LOVE NEGROS GINAHULAT ANG DESISYON SANG UNEGA SA MANGIN KANDIDATO BILANG BISE GOBERNADOR

April 16, 2024

Ginahulat sa gihapon sang local political group nga Love Negros ang desisyon sang local political party nga United Negros Alliance (UNegA), kun sin- o ang mangin kandidato sini sa pagka-bise gobernador sa 2025 nga eleksyon.

Suno kay Governor Bong Lacson, ang sin-o man nga mapilian sang UNegA amo ang iya makatandem sa eleksyon.

Nobyembre 2023, ginkompirmar ni Vice Governor Jeffrey Ferrer ang iya plano nga pagbalik papili bilang kongresista sang ika-apat nga distrito sang Negros Occidental, bangud magaretiro na ang iya asawa sa politika, nga subong amo ang incumbent 4th district Congresswoman.

Basi sa kasugtanan sang UNegA kag Love Negros, dapat pagadesidihan sang UNegA ang magabulos kay Ferrer bilang bise gobernador.

Si Ferrer ang may ikaduha na nga termino bilang bise gobernador sang Negros Occidental kag nagserbe man nga kongresista sang ika-apat nga distrito sang probinsiya umpisa 2007 tubtub 2016.

What’s your Reaction?
+1
0
+1
0
+1
0
+1
0
+1
0
+1
0
+1
0

THREE WHEELED MOTORIZED WASTE COLLECTION UNITS GIN TURNOVER SA ANUM KA BARANGAYS

April 16, 2024

Gin turnover na sa anum ka mga Barangay sa syudad sang Bacolod ang three wheeled motorized waste collection units halin sa Bacolod Environment and Natural Resources Office ukon BENRO.

Ginpahayag ni Ma. Fe Trespuentes, officer-in-charge sang BENRO, nagbaton sang tig isa ka unit sang sini nga sahi sang salakyan ang Barangays Banago, Felisa, Tangub, Singcang-Airport, 16 kag 35.

Suno kay Trespuentes, ini ang gikan sa IPM Construction and Development Corporation base sa ginkasugtan sa bag-o nga kontrata kaupod ang LGU. May 15 pa ka mga units ang natalana nga i-deliver sa iban pa nga mga Barangay.

Suno kay Trespuentes, ini nga mga waste collection units ang gintugyan sa mga Barangay nga may magagmay nga dalan ukon eskinita nga indi malabyan sang mga truck sang IPM-CDC.

Ang Barangay na ang maga operate sang sini nga mga unit lakip na ang pagbutang snag driver, manughakot sang basura kag mag gasto sang gasolina. | BCD PIO Photo

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.