BACOLOD MAY DUHA LAMANG KA NEW COVID-19 CASES

Share on facebook
Share on google
Share on pinterest
Share on twitter
Share on print

Nagalaum si Vice Mayor Elcid Familiaran nga dalayon na ang pagnubo sang kaso sang COVID 19 sa syudad sang Bacolod sa palaabuton.

Suno kay Familiaran, ang 2 ka positibo nga kaso nga na record sang syudad subong nga adlaw base real time figure sang EOC ang isa ka maayo nga indikasyon.

Dugang pa ni Familiaran, dako nga kontribusyon sini nga development ang lapnagon nga kampanya sang syudad angut sa pagpabakuna sang publiko.

Nagapati man ini nga kon magpadayon ang sitwasyon sigurado nga mas mapadasig pa nga malab-ot ang herd immunity nga gina target sang syudad kag handum nga zero case sang COVID 19.

Apisar sini, padayon man nga ginapanugyan ni Familiaran sa publiko nga indi dapat maghatag sang kumpiyansa ilabi na sa pamahog sang panibag-o nga variant. | Aksyon Art Tayhopon

What’s your Reaction?
+1
0
+1
0
+1
0
+1
0
+1
0
+1
0
+1
1

COVID-19 PATIENT, PATAY SANG NAGLUMPAT SA 5TH FLOOR SANG BUILDING SANG HOSPITAL

Patay ang isa ka Covid-19 positive patient matapos nga naglumpat sa isa sa mga building sang Corazon Locsin Montelibano Memorial Regional Hospital, sa Barangay 9, syudad sang Bacolod kaina sang aga, Lunes.

Suno kay Police Station 2 Commander Police Captain Paul Vincent Pendon, naglumpat ang 68 anyos nga lalaki nga residente sang syudad sang Bacolod gikan sa ika-lima nga panalgan sang ospital kag nagtupa sa atop sang water treatment building facility sang ospital.

Dugang pa ni Pendon, nakabati lamang sang mabaskog nga lagabong ang gwardiya sang ospital kag nakita na lamang nga nagahapa sa atop ang pasyente.

Nabali ang tiil kag nakaangkon sang pilas sa ulo ang pasyente nga gintunaan sang iya kamatayon.

Ang napatay isa ka COVID-19 positive patient nga naka-confine sa regional hospital.

Suno kay Pendon, duha ka mga pasyente ang naka confine sa sulod sang Room 511 sang ospital apang ang upod sang napatay ang nakagwa na pasado las 12 ang takna kaina sang udto.

Sa imbestigasyon sang kapulisan nahibaloan nga ginhatagan pa sang bulong sang attending nurse ang napatay pasado las 12:30 sang udto.

Nahibaloan man sang kapulisan nga nag-ayo’ ang napatay nga magwa sa isolation facility.

Suno kay Pendon, mahimo nagtuyo nga magpalagyo ang napatay gikan sa isolation pinaagi sa paglumpat sa building.

Ginpahayag man sang hepe nga wala sang foul play sa amo nga insidente.

Enero 21, 2022 sang nagsulod sa Hospital ang napatay bangud nagpositibo sa COVID-19. | Aksyon John Diaz

Hopeline PH’s 24/7 hotlines:

0917-558-4673 (Globe)
0918-873-4673 (Smart)
02-88044673 (PLDT)
2919 (toll-free for Globe and TM)

What’s your Reaction?
+1
0
+1
0
+1
0
+1
0
+1
0
+1
0
+1
0

BACOLOD GINADUSO ANG NEGATIVE ANTIGEN TEST RESULT SA MGA TRAVELER HALIN SA MANILA

Ginaduso sang lokal nga panguluhan sang syudad sang Bacolod nga tugutan ang mga inbound passengers halin sa Manila nga mag presentar sang negative Rapid Antigen Test sang sa negative RT-PCR Test result para sa mga fully vaccinated.

Si Bacolod Mayor Evelio Leonarda ang nagpadala sang sulat kay Governor Bong Lacson nga nagapangabay sang virtual meeting sa tuyo nga ma harmonize ang travel guidelines upod ang kapitolyo probinsyal.

Base sa sulat ni Leonardia, nakabaton sang madamo nga mga concern ang syudad kag mga opisyal halin sa in-bound travelers halin sa Manila angut sa requirement nga negative RT-PCR test result nga dapat 72 hours antes ang ila nga scheduled flights.

Pero bangud sa pagsaka sang Covid-19 cases sa NCR, ginpahayag sang Alkalde, nga madamo ang RT-PCR tests nga ginapatigayon sa mga DOH accredited clinics kag molecular laboratories nga naga resulta sa pag release sang test resulta lapaw sa 72 oras nga required period.

Suno sa Alkalde, ginpalambot man sa ila ang concern angut sa presyo sang RT-PCR Test nga 3,300 tubtob 5,000 sa kada test, ikomparar sa RAT nga 800 pesos kag magwa ang resulta sa sulod snag 30 minutos.

Suno pa kay Leonardia, gina konsiderar man sang syudad nga ang mga pasahero sa Manila nga wala nakakuha sang kopya sang ila RT-PCR test result sa insakto nga tion bangud sa delay sa molecular laboraties, ang tugutan nga makasay sa eroplano pero dapat magpaidalum sa RAT sa pag abot sa Bacolod-Silay Aiport.

Ginpahayag ni Dr. Chris Sorongon, deputy for medical and data analysis sang Bacolod Emergency Operations Center, ila pa ginahulat ang sabat sang gobernador kag nagalaum nga madayon ang ginapangabay nga pagsinapol.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.